Մաքրենք ու մաքուր էջից սկսենք.վարչապետը` նախկին պարտքերի մասին
«Տեղական ինքնակառավարման ու այլ ոլորտներում կուտակվել են իրավաբանական ու ֆիզիկական անձանց կողմից հարկերի, տուրքերի ու պարտադիր այլ վճարների պարտավորություններ», - կառավարության այսօրվա նիստում վարչապետ Կարեն Կարապետյանը խոսեց կուտակված գույքի հարկի, հողի հարկի մասին:
Հաշվի առնելով, որ այդ տույժերի ու տուգանքների հավաքագրված խնդիրները, չնայած նախկինում կատարված միջոցառումների, ամբողջական լուծում չեն ստացել` անհրաժեշտ է մշակել համակարգային մոտեցում, որի արդյունքում հնարավոր կլինի լուծել կուտակված պարտավորությունների խնդիրը ու կանխել հետագայում նման ծավալի ձևավորումը,ասաց նա:
Մեկամսյա ժամկետում ամփոփել ու կառավարության աշխատակազմ ներկայացնել գոյացած պարտավորությունների մարման, լուծման մեխանիզմներ, ինչպես նաև նման պարտավորությունների չկատարման համար ներկայումս գործող օրենսդրական կարգավորումների հստակեցման ու նման դեպքերի կանխարգելման վերաբերյալ առաջարկություններ,նման հանձնարարություն տվեց Տարածքային կառավարման ու զարգացման, գյուղատնտեսության ու ֆինաննսերի նախարարներին, ՊԵԿ նախագահին ու ՀՀ բոլոր մարզպետներին:
«Պարոն Մարգարյան, նման խնդիր ձեզ մոտ կա՞», - Երևանի քաղաքապետ Տարոն Մարգարյանից հետաքրքրվեց վարչապետը:
«Վարձակալության մասով ունենք նման խնդիրներ, կխնդրեի մեզ էլ հանձնարարեք, որ քննարկումներին մասնակցենք», - ասաց Տարոն Մարգարյանը:
« Պետք է մեկ անգամ, ֆունդամենտալ այս խնդիրը լուծենք, մաքրենք ու ամեն ինչ մաքուր էջից սկսենք: Որևիցե խնդիր չկա դա բեռ դարձնել, ունենք տարիներով կուտակված նախկին պարտքեր, առաջարկելու ենք ճկուն մեխանիզմներ, որպեսզի այս տույժ ու տուգանքներն էլ անընդհատ չգան ու վերջը դառնան անլուծելի խնդիր, այս իսկ պատճառով այստեղ պետք է շատ հաշվարկված, տրամաբանական և, գուցեև, համարձակ առաջարկություն տրվի», - ասաց Կարեն Կարապետյանը:
Հետևեք մեզ Viber-ում
