Շուկայում կարտոֆիլի գները «թռել» են. Նիկոլ Փաշինյան
Այսօր Ազգային ժողովի նիստին փոխվարչապետ, տարածքային կառավարման նախարար Վաչե Գաբրիելյանը, պատասխանելով «Ելք» դաշինքի խմբակցության ղեկավար Նիկոլ Փաշինյանի՝ հանրապետությունում գների աճի վերաբերյալ հարցին, պատասխանեց, որ թող Հայաստանի քաղաքացիներն իրենց բյուջեին առավել համապատասխան մթերքներ գնեն.«Ես կարծում եմ՝ մեր բնակչությունն այդ ապրանքների տեսականուց կընտրի առավել մեծ կալորիականություն ունեցող այն ապրանքները, որոնք իրենց բյուջեն թույլ է տալիս: Իսկ եթե նրանք չկարողանան դա անել, ապա ձեր կողմից տրամադրված հաշվարկները նրանց համար հիմք կհանդիսանան»: Ի պատասխան Փաշինյանը շեշտեց, որ երբ նախորդ տարեվերջին ՀՀԿ ներկայացուցիչները հայտարարեցին, որ գնաճն աղքատ խավի վրա չի ազդում, քանի որ նրանք կարտոֆիլ են ուտում, շուկայում կարտոֆիլի գները «թռել» են: Նա նշեց, որ գյուղատնտեսական արտադրանքից էժանացել է միայն սոխը, քաղցր պղպեղը, կանաչին և սխտորը:
Հետևեք մեզ Viber-ում
