Ինչու էր վարչապետն առաջին աշխատանքային օրն արձակուրդ գնացել

Սեպտեմբերից աշխատելով ես արձակուրդում եղել եմ միայն 8 օր, այսօր ԱԺ հարցուպատասխանի ժամանակ այս մասին ասաց ՀՀ վարչապետ Կարեն Կարապետյանը: Ելք խմբակցության պատգամավոր Էդմոն Մարուքյանը վարչապետ Կարեն Կարապետյանին հարցրեց, թե ինչու նա Ամանորի տոներից անմիջապես հետո արձակուրդ գնաց: «Այո՛, ես ճիշտ եմ ասել, որ մինչև հունվարի 3-ը պետք է հանգստանանք, 3-ից գնանք գործի: Բայց ես չեմ ասել, որ մարդն իրավունք չունի հանգստանալու, արձակուրդ գնալու` համապատասխան մեր օրենդրության: Ի գիտություն ձեզ, ես սեպտեմբերից աշխատելով արձակուրդում եղել եմ 8 օր` երեք օր ամռանը, 5 օր` հունվարին», - ասաց Կարեն Կարապետյանն` ավելացնելով. «Իրավունք ունե՞մ, թե՞ չէ»: Նա հավելեց, որ հաջորդ տարվա հունվարի 3-ին դուրս կգա աշխատանքի, թե հունվարի 8-ին՝ ևս 5 օր արձակուրդ վերցնելով, դա իր իրավունքն է: