Պյոտր Սվիտալսկին հայտնում է, թե երբվանից կգործի Հայաստան-ԵՄ համաձայնագիրը

Հայաստանի եւ Եվրոպական միության միջեւ նախորդ տարի նոյեմբերին ստորագրված համաձայնագրի որոշ կետեր կարող են գործել մինչեւ ԵՄ անդամ բոլոր երկրների կողմից վավերացվելը: Նման տեսակետ այսօր «Կոնգրես» հյուրանոցում լրագրողների հետ հանդիպման ժամանակ հայտնեց Հայաստանում Եվրոպական միության պատվիրակության ղեկավար, դեսպան Պյոտր Սվիտալսկին: Հարցին, թե ի՞նչ կանխատեսում ունի դեսպանը Հայաստան-ԵՄ համաձայնագրի իրականացման վերաբերյալ, Սվիտալսկին պատասխանեց. «Ինչպես գիտեք, ԵՄ-ն լավ սկսեց եւ, փաստորեն, նախորդ նախագահությունն առաջինն էր, որ վավերացրեց համաձայնագիրը, ինչը շատ հստակ ազդանշան էր բոլոր գործընկերներին: Վավերացման գործընթացը սովորաբար հիմնվում է օրենսդրական գործընթացների վրա: Հիմնականում կախված է յուրաքանչյուր երկրի օրենսդրությունից: Դրանք երբեմն պարզ են, երբեմն բավականին բարդ են: Օրինակ՝ դաշնային պետություններում ցանկացած միջազգային համաձայնագիր պահանջում է բավականին մանրամասն գործընթացային ծանր աշխատանք, բայց մենք լավատես ենք, եւ ԵՄ-ի տեսակետից ասեմ, որ ամենակարեւորն այստեղ այն է, որ համաձայնագիրը կարող է իրականացվել այս տարի: Հուսանք այս տարի գարնանից կարող է իրականացվել: Սա պահանջում է Հայաստանի կողմից վավերացում»: Ամբողջն՝ այստեղ