Հայաստանում կան անհատներ, որոնք ունեն «ռևանշիստական» մտածելակերպ Ադրբեջանի նկատմամբ. Բայրամով
Հայաստանում կան անհատներ, որոնք ունեն ռևանշիստական մտածելակերպ, բայց դա չի կարող հանգեցնել դրական արդյունքների։
APA գործակալության փոխանցմամբ, այս մասին լրագրողներին հայտնել է Ադրբբեջանի արտգործնախարար Ջեյհուն Բայրամովը։
«Հայաստանը գտնվում է քաղաքական կարևոր գործընթացի շեմին։ Շուտով Հայաստանում խորհրդարանական ընտրություններ են անցկացվելու։ Այս ընտրությունների արդյունքը կորոշի Հայաստանի ապագան և երկրի անցումը զարգացման հաջորդ փուլ։ Լարված պայքար է ընթանում, և տարբեր խմբեր օգտագործում են տարբեր գործիքներ դրան հասնելու համար։ Ցավոք, Հայաստանում, հայկական քաղաքական շրջանակներում, դեռևս կան անհատներ, որոնք ունեն ռևանշիստական մտածելակերպ Ադրբեջանի նկատմամբ, և նրանք հենց այս գիծն են ցուցադրում ընտրարշավի ընթացքում՝ բացահայտ մեղադրանքներ հնչեցնելով։
Մենք հավատում ենք, որ հայ ընտրողները ճիշտ կգնահատեն սա և կկատարեն իրենց ընտրությունը։ Ադրբեջանի կառավարությունը միշտ ուշադիր հետևում է այս գործընթացներին», – նշել է արտգործնախարարը։
Հետևեք մեզ Viber-ում
