ՊՆ թիկունքի վարչության պետը 3.5 միլիոն դոլարով բնակարան է գնել և 60.000 դոլար վճարել տան վերելակի համար
Verjin Lurer.com Facebook–յան էջից. «Ապրիլյան քառորյայից հետո շատ է խոսվում ՊՆ – ում կատարվող հափշտակությունների մասին։Ակնհայտ է որ հափշտակությունները հիմնականում կատարվում են ՊՆ թիկունքի ստորաբաժանումներից։
ՀՀ Պն թիկունքի վարչության պետը ՝ Նորայր Յոլչյանն է։Յուրի Խաչատուրովի սիրելին և վերջինիս աջ ձեռքը։Հատկապես Յոլչյանն է վերահսկում ՊՆ մատակարարների ստվերային հոսքերը,թերի մատակարարումները և ապահովում է ներքևից վերև հափշտակված գումարները տեղափոխող վերելակի անխափան աշխատանքը։
Հավանաբար հենց այս գործունեության արդյունքում է Յոլչյանի մոտ սեր առաջացել դեպի վերելակները,հասկացել է հավանաբար, որ եթե ուզում ես հանգիստ ապրել ,ապա դեպի վերև գնացող վերելակը պիտի գործի անխափան։
Հենց սա է եղել պատճառը,որ համեստ աշխատավարձով ապրող ՊՆ թիկունքի վարչության պետ Նորայր Յոլչյանը տնտեսած գումարներով (ոչ կերել է,ոչ խմել) մի կերպ հյուսիսային պողոտայում 750 մ/ք բնակարան 3.5 միլռն դոլարով գնելուց հետո,երբ պարզել է,որ վերելակը իր հարկ նախագծով չի բարձրանում ,ընկել է դեպրեսիայի մեջ։
Նա հասկացել է,որ վերելակի կիսատ բարձրանալը փաստացի կտրում է ներքևներից դեպի վերևներ տրամաբանական և պարտադիր կապը,և եթե կապը չվերականգնվի,ապա այդ պարագայում քաոսը կլինի անխուսափելի։
Այդ իսկ պատճառով մեր հերոսը , նորից իր աշխատավարձից տնտեսած միջոցներով վճարել է կառուցապատողին 60.000 Ամն դոլար,որպեսզի վերելակը ներքևից բարձրանա մինչև վերև։Կառուցապատողն էլ սիրով համաձայնվել է,ՊՆ թիկունքի վարչության հաշվին ապահովել ներքևից մինչև վերև անխափան կապը։
Հետո էլ զարմանում ենք,թե ինչու քառորյա պատերազմի ժամանակ տանկերի մեջ վառելիք չկար,կապի միջոցներ չկային և այլն։Այս գաղտնիքն էլ բացահայտվեց ՝ ՊՆ Թիկունքի Վարչության պետը այդ գումարներով ապահովել է ներքևից վերև գործող վերելակի անխափան գործունեությունը։
Նկարում ՝ վերևից Պն (չկերած ,չխմած և աշխատավարձը տնտեսած ) թիկունքի վարչության պետ Յոլչյանն է»։
Առաջնորդող նկարում՝ 60.000 ամն դոլար արժողությամբ վերելակը:
Հետևեք մեզ Viber-ում
