«Պախկվոցի խաղալով սղղացնելով անցկացրին». Գևորգ Պետրոսյան

«Ծառուկյան» խմբակցության պատգամավոր Գևորգ Պետրոսյանն այն համոզմանն է, որ աջ ղեկով մեքենաներով երթևեկումը ամենևին էլ չի սպառնում  մարդկանց առողջությանը։ «Հարգելի կառավարություն, եթե դա այդպես է, ուրեմն ընդհանրապես աջ ղեկով մեքենաների շահագործումը պետք է արգելվի։ Սա մոտավորապես նման է այն վարքագծին, որ, ենթադրենք, օրերից մի օր հայտնաբերեցին՝ ասպիրինը կամ անալգինը վտանգավոր են մարդու կյանքի համար, հաջորդ ամսվա համար արգելեն դրանց ներկրումը, բայց ասեն՝ ժողովրդի այն մասը, որն առել է այդ դեղերը, թող օգտագործի: Ցավոք, կառավարությունը նորից պախկվոցի խաղալու վարքագիծ հիշեցնող մարտավարությամբ հանդես եկավ և մինչև վերջին պահը հանրությունից թաքցրեց այդ որոշումը, ապա սղղացնելով նորից անցկացրեց այդ որոշումը կառավարության նիստում», - հայտարարեց պատգամավորը։