Նրանց ունեցած բոլոր նավերը մինչև վերջինը հանգչում են ծովի հատակին. Դոնալդ Թրամփն Իրանի ռազմածովային ուժերի մասին
ԱՄՆ նախագահ Դոնալդ Թրամփը Վաշինգտոնում՝ Օվալաձև աշխատասենյակում, երեխաների ֆիզիկական պատրաստվածության մասին հռչակագրի ստորագրման ժամանակ մեկնաբանել է Իրանի դեմ իրականացվող ռազմական արշավը։
«Մենք նրանց շատ ուժգին ջախջախել ենք, հիմա նրանք վերածվել են փոքր նավակների՝ քթամասում գնդացիրներով»,- ասել է նա Իրանի մասին՝ կրկնելով Իրանի Իսլամական Հանրապետության ռազմածովային նավատորմի ոչնչացման մասին արտահայտությունը։ «Նրանց ունեցած բոլոր նավերը մինչև վերջինը հանգչում են ջրի տակ՝ ծովի հատակին»,- ասել է նա։
ԱՄՆ նախագահը մեկնաբանել է նաև Իրանի միջուկային ծրագիրը։
«Դրանք հիվանդ մարդիկ են, և մենք թույլ չենք տա խելագարներին տիրանալ միջուկային զենքի»,- հայտարարել է նա։
Ինչ վերաբերում է մեծ պատերազմին, Թրամփն ասել է, որ ԱՄՆ-ի «գործերը լավ են ընթանում… Մենք նրանց լուրջ պարտության ենք մատնել»։
Նա ասել է նաև, որ ԱՄՆ-ը մասնակցել է փոքր ռազմական բախման, սակայն մանրամասներ չի հայտնել։
Երեկ ԱՄՆ Կենտրոնական հրամանատարությունը հայտարարել էր, որ խորտակել է առնվազն վեց իրանական մոտորանավակ։
Ավելի ուշ Թեհրանը հերքել էր այդ հայտարարությունը։
Հետևեք մեզ Viber-ում
