Տնտեսական գերկենտրոնացման սեղմող օղակը. «Փաստ»

«Փաստ» օրաթերթի համաձայն, Հայաստանի հարկային տվյալները արձանագրում են տնտեսական գերկենտրոնացում. 1000 խոշոր հարկատուներից 827-ը (82,7%) գրանցված է մայրաքաղաքում, և նրանց մուծած հարկերը կազմում են ընդհանուրի 84,26%-ը։ Այս պատկերն, ըստ թերթի, պայմանավորում է համակարգային անհավասարակշռություն՝ ազդեցությամբ երկրի ժողովրդագրական, սոցիալական և զարգացման հեռանկարների վրա։

Համեմատական տվյալներով՝ 2024-ին Երևանում գրանցված ընկերությունների թիվն աճել է 2-ով, նրանց հարկերը՝ 189,4 մլրդ դրամով կամ 13,06%-ով, մինչդեռ մարզերում հարկային մուծումները նվազել են 15,9 մլրդ դրամով կամ 4,93%-ով։