Որոշակի քայլեր ենք անելու Ադրբեջանին քանդված եկեղեցիների համար պատժելու ուղղությամբ. Արտակ Բեգլարյան

Արցախում հայկական մշակութային ժառանգության ոչնչացման համար Ադրբեջանին պատժելու, ինչպես նաև հետագայում նման դեպքերը կանխելու նպատակով «Արցախ միությունը» մի շարք այլ կազմակերպությունների հետ որոշակի քայլերի է նախապատրաստվում: 24News-ն այս մասին տեղեկացավ Արցախի Հանրապետության նախկին պետնախարար, նախկին ՄԻՊ Արտակ Բեգլարյանից։

«Դեռևս չեմ բացահայտի, թե կոնկրետ ինչ ենք անելու, գաղտնիության փուլ կա, քննարկումներ ենք անում: Ամեն դեպքում, մեխանիզմներ կան, բայց մեր հնարավորությւնները չափազանց սահմանափակ են, քանի որ մեր պետությունը ոչինչ անել չի ուզում: Եթե մենք ինչ-որ բան փորձում ենք անել կանխելու ուղղությամբ, դրան զուգահեռ պետությունը ոչինչ չի անում, մի բան էլ նպաստում է ցեղասպանական գործողությանը, ստացվում է, որ մեր ջանքերը չեն կարող արդյունք տալ»:

Արտակ Բեգլարյանն ընդգծեց, որ իրենք փորձելու են օգտագործել միջազգային իրավական ու քաղաքական մեխանիզմները այնքանով, որքանով իրենց հնարավորությունները թույլ կտան:

Անդրադառնալով հարցին, թե ինչու է ողջ քրիստոնյա աշխարհը լուռ, երբ Արցախում իրար հետևից քրիստոնեական տաճարներ են քնադվում, Արտակ Բեգլարյանը պատասխանեց.

«Միջազգային կառույցները հիմնականում նայում են տվյալ պետության դիրքորոշմանը, այս դեպքում ՀՀ-ն լուռ է, ոչինչ չի անում, մի բան էլ խրախուսում է Ադրբեջանին, ինչու պիտի այլ պետություն կամ կառույց իր գլուխը ցավի տակ դնի»: