Ո՞վ է միջնորդել Սերժ և Սարգիս Վարդանյանների համար

Քննչական կոմիտեի նախագահի տեղակալ, կարգապահական հանձնաժողովի նախագահ Արթուր Ղամբարյանը, այսօր ԱԺ-ում պատասխանելով լրագրողների հարցերին, նշեց, որ  «Ճըվ-ճըվ Արոյի» որդիների գործի հանգամանքներին ինքը չի տիրապետում: Նա նշեց, որ այդ գործն իր լիազորություններից դուրս է, և չէր ցանկանա որևէ գնահատական տալ: Ինչպես ասաց՝ եթե որևէ պաշտոնյա իր պարտականությունները բարեխիղճ չի կատարել, անկախ գործի հանգամանքներից, ապա պետք է բարձրաձայնել և այդ քննիչին ենթարկել պատասխանատվության: Թե ո՞վ է միջնորդել Սերժ և Սարգիս Վարդանյանների համար, Ա.Ղամբարյանը չպատասխանեց` խնդրելով իրեն տալ իրավաբանական հարցեր: «Քննչական կոմիտեն որևէ մեկին չի հովանավորում։ Քննչական կոմիտեն կատարում է Սահմանադրությամբ նախատեսված իր գործառույթները: Կարծում եմ՝ սա այն դեպքերից է, որ մենք պետք է հասկանանք, որ նման դեպքերով հասարակության և իրավապահ համակարգի միջև վստահության դեֆիցիտը ավելի է պակասում։ Այն անջրպետը, որ կա, երբ հասարակությունը իրավապահ համակարգին չի վստահում, նման դեպքերով, պետք է ցավով նշեմ, այո՛, այդ անդունդը խորանում է»