Նիկոլ Փաշինյանի համար իշխանության հարցերը լուծելը խնդիր չէ
ԱԺ «Ելք» խմբակցության ղեկավար Նիկոլ Փաշինյանը լրագրողներին ասաց, որ իրեն համար իշխանության հարցերը լուծելը խնդիր չէ: «Ինձ համար իշխանությանը հեռացնելն ընդհանրապես պրոբլեմ չի, կա միայն մի պայման` ժողովուրդը պետք է ինձ, մեր թիմին տա վստահության մանդատ»,-նշեց Փաշինյանը: Նա այն համոզմունքին է, որ իրենք լավ աշխատանք են կատարում, և իրենց ներկայացրած նախագծերը բացթողումներ չունեն: Ըստ նրա` ՀՀ-ում այսօր ոչ քիչ «ֆեյքեր» կան, որ աշխատավարձ են ստանում և գործունեություն ծավալում, որ հանկարծ «Ելք» դաշինքին չհաջողվի երթ անել: «Մեր հանրությունը հուսահատության փոսի մեջ է, և ընտրությունների արդյունքները դա են ցույց տալիս: Եթե մենք մեր քաղաքական գործունեության մեջ օգտագործում ենք որոշ սուր հարցադրումներ, ուզում ենք հանրությանն այդ հուսահատության վիճակից դուրս բերել: Քաղաքական ուժը ոչ միայն հետևում է հանրային պահանջին, այլև հանրային պահանջ ձևավորելու գործառույթ ունի: «Ելքը», սոցիոլոգիական հարցումների համաձայն, ամենամեծ վստահություն վայելող քաղաքական ուժն է»,- հայտարարեց Ն.Փաշինյանը:
Հետևեք մեզ Viber-ում
