Մի աղավաղեք. Շարմազանովը՝ Վիգեն Սարգսյանի նախաձեռնության մասին

«Կարծում եմ, որ մեր որդեգրած քրիոստոնեական արժեքները գթասրտություն են պահանջում, ինչն էլ Վիգեն Սարգսյանի նախաձեռնությունն է», -ՀՀ ԱԺ փոխնախագահ Էդուարդ Շարմազանովը չի ցանկանում գնահատական տալ ՀՀ պաշտպանության նախարար Վիգեն Սարգսյանի՝ զինվորին արտերկրում բուժում ստանալու համար դրամահավաք կազմակերպելու կոչին: «Ես նորմալ եմ համարում, որ պաշտպանության նախարարն այդ կերպ կարողանում է իր անձնական ներդրումն ունենալ, որպեսզի մենք կարողանանք նաև հասարակական աջակցություն ապահովել: Չաղավաղել փաստերը: Դա բանակի համար հրապարակային գումարներ հավաքել չէ, մի աղավաղեք», - նշեց Շարմազանովը: ԱԺ փոխնախագահը նշեց, որ ՀՀ-ում նույն վիրահատություն իրականացնելու միջոցներ ունեն, բայց քանի որ զինվորի ծնողները ցանկանում են վիրահատությունն արտերկրում իրականացնել, դրա համար մեծ գումար է անհրաժեշտ, իսկ Պն-ն ձեռքերը չի լվացել ու փորձում է օգնել։