Շարմազանովը մանրամասներ է ներկայացնում.ով կլինի նախագահի թեկնածուն
Հայաստանի Հանրապետական կուսակցությունը այս ամիս սկսելու է քննարկել Հայաստանի նոր նախագահի թեկնածությունը։ Այդ մասին երեկ ՀՀԿ ԳՄ նիստից հետո լրագրողներին ասել է ԱԺ փոխնախագահ, ՀՀԿ մամուլի քարտուղար Էդուարդ Շարմազանովը։ «Մինչև հանրապետության Նախագահի թեկնածուների առաջադրումը խորհրդարանը պետք է առաջադրի և ընտրի Բարձրագույն դատական խորհրդի 5 ներկայացուցչի։ Դա մենք կանենք փետրվարի ընթացքում, իսկ քննարկումները կսկսենք հաջորդ շաբաթվա ընթացքում: Նախագահի թեկնածուի հարցով մենք պաշտոնական քննարկում դեռ չենք սկսել: Մյուս շաբաթվանից, միգուցե, այդ քննարկումն էլ սկսենք»,- նշեց Շարմազանովը: Նա վստահեցրեց, որ հունվարի ընթացքում Նախագահի թեկնածուի վերաբերյալ քննարկումները կսկսեն: «Երբ կլինեն քննարկումները, մենք այդ մասին կհայտնենք: Ամեն ինչ ժամանակին կլինի»,- նշեց Էդուարդ Շարմազանովը: ՀՀ ԱԺ փոխնախագահը շեշտեց, որ Նախագահի պաշտոնում առաջադրելու են թեկնածուի, ով կունենա լուրջ կենսագրություն և բարձր հեղինակություն:
Հետևեք մեզ Viber-ում
