Մոսկվայում ինքնաթիռ է կործանվել․ կան զոհեր

Մոսկվայից դուրս գտնվող Կոլոմնա քաղաքի մոտ կործանվել է մասնավոր թեթև շարժիչով Alto NG ինքնաթիռ, ինչի հետևանքով երկու մարդ զոհվել է, հայտնել է Դաշնային օդային տրանսպորտի գործակալությունը, գրում է TASS-ը:

«Մարտի 21-ին՝ Մոսկվայի ժամանակով մոտ ժամը 15:30-ին (Գրինվիչի ժամանակով 12:30-ին), մասնավոր Alto NG թեթև շարժիչով ինքնաթիռը (գրանցման համար՝ RA-3401G) կործանվել է Մոսկվայի մարզի Կոլոմնա քաղաքի մոտակայքում իրականացվող թռիչքի ընթացքում։ Ռուսաստանի արտակարգ իրավիճակների նախարարության տվյալներով՝ ինքնաթիռում եղել է երկու մարդ, երկուսն էլ զոհվել են», — նշվում է հաղորդագրությունում։