ԵՄ-ում մտահոգված են հակառուսական որոշ պատժամիջոցներ մեղմացնելու ԱՄՆ-ի որոշմամբ
ԵՄ-ում կրկին մտահոգություն են հայտնել Մերձավոր Արևելքում հակամարտության ֆոնին Ռուսաստանի նկատմամբ սահմանված առանձին պատժամիջոցներ մեղմացնելու ԱՄՆ-ի որոշման կապակցությամբ: «Արմենպրես»-ի փոխանցմամբ՝ այս մասին հայտարարել է Եվրոպական խորհրդի նախագահ Անտոնիու Կոշտան։
«Մենք ընդգծել ենք մեր մտահոգությունը պատժամիջոցները մասնակիորեն չեղարկելու ԱՄՆ-ի որոշման կապակցությամբ, ինչն արդեն ուժեղ ազդեցություն է գործել Ռուսաստանի վրա», – լրագրողների հետ զրույցից նրա խոսքերն է մեջբերում «Ինտերֆաքս» գործակալությունը:
Կոշտան կրկին նշել է, որ, Բրյուսելի կարծիքով, անհրաժեշտ է շարունակել ճնշում գործադրել Ռուսաստանի վրա, քանի որ դա, նրա խոսքով, կօգնի «բանակցությունների սեղանի շուրջ նստեցնել նրան»։
Եվրոպական խորհրդի ղեկավարն ընդգծել է, որ ԵՄ-ն շարունակում է աջակցել Ուկրաինային։Ավելի վաղ ԱՄՆ-ի իշխանությունները վերանայել են այն լիցենզիան, որը ենթադրում է ռուսական նավթի որոշակի բեռների փոխադրման և վաճառքի թույլտվություն։
Հետևեք մեզ Viber-ում
