Մանրամասներ. ինչու է Ռուբեն Հայրապետյանը դիմել իրավապահ մարմիններին

2017-2018թ-ի մրցաշրջանի ֆուտբոլային ակումբի Լոռի Վանաձոր-ՖԱ Էրեբունի հանդիպումը ավարտվել էր 5-0 հաշվով, սակայն վերլուծելով կատարված խաղադրույքները՝ կասկածներ են առաջացել, որ խաղի կազմակերպիչներին և մասնակիցներին կաշառք է տրվել: Այսօր մամուլում տեղեկություններ էին տարածվել, թե դեպքի առթիվ Քննչական կոմիտեն քրեական գործ է հարուցել։ «Փաստինֆո»-ի հարցմանն ի պատասխան՝ ՔԿ-ից հայտնեցին, որ քրեական գործը հարուցվել է ՀՀ ԿԱ ԱԱԾ քննչական վարչությունում ՀՀ քրեական օրենսգրքի 201-րդ հոդվածի 1-ին և 3-րդ մասերով, որը ստացվել է Քննչական կոմիտեում եւ ուղարկվել նախաքննության՝ Լոռու մարզային վարչություն: ԱԱԾ-ում քրեական գործ հարուցելու առիթ է հանդիսացել ՀՀ Ֆուտբոլի ֆեդերացիայի նախագահ Ռուբեն Հայրապետյանի դիմումը։