Հայաստանում առկա են սոցիալական բունտ իրականացնելու համար բոլոր նախադրյալները
«Վառելանյութի եւ այլ ապրանքների գնաճը կարելի է զսպել միայն հարկային օրենսգրքի փոփոխությամբ: Այն, ինչ մենք ամիսներ շարունակ խոսում էինք, կոչ ենք անում իրենց շահերը պաշտպանել՝ դուրս գալ փողոց, նաեւ մեզ սատարել, որ կարողանանք խորհրդարանում բերել օրենքի ինչ-որ փոփոխություններ,մարդիկ իրենց մաշկի վրա զգացին: Մենք շատ լուրջ սոցիալական ճգնաժամ ենք ունենալու, քանի որ 26 տոկոսի փոխարեն եկամտահարկ վճարելու ենք 28 տոկոս, նվազելու է աշխատավարձը, թանկացել է վառելանյութը, հուլիսի մեկից ավելանալու է կենսաթոշակի համար վճարողների թիվը, իսկ մաքսային միությունից ներկրվող ապրանքների համար պետք է վճարենք մաքսահարկ: Այս իսկ պատճառով մենք մարդկանց ասում ենք, որ պայքարեն, որովհետեւ մենք 9 հոգով խորհրդարանում քիչ ենք:Հունվարի 19-ին դուրս գալ փողոց եւ միանալ ԵԼՔ դաշինքի ընդդեմ գնաճի երթին »,- ն ԱԺ-ում պատասխանելով լրագրողների այն հարցին, թե ինչ գործիքներ կան թանկացումների ընթացքը կասեցնելու համար հայտարարեց ԱԺ ԵԼՔ խմբակցության քարտուղար Գեւորգ Գորգիսյանը: « Սոցիալական բունտի համար բոլոր նախադրյալները կան, մնում է, որ մարդկանց ունեցվածքը հավաքեն»,- ասաց Գեւորգ Գորգիսյանը:
Հետևեք մեզ Viber-ում
