Այս չեղած ծառերը որդ ու բլոճների բարգավաճման տեղեր են, որոնք տարածվում են քաղաքի ամբողջ կանաչ զանգվածի վրա. Արմեն Բեգոյան
Ծառերի կենսունակության տարիքը շուրջ 40-50 տարի է։ Հետևաբար այն ծառերը, որոնք մինչև հիմա կանգնած են Երևան քաղաքում, 70-80 տարեկան են։ Այս մասին լրագրողների հետ զրույցում ասել է «Կանաչապատում և շրջակա միջավայրի պահպանություն» ՀՈԱԿ-ի տնօրեն Արմեն Բեգոյանը։
«Մարդը, եթե 100 տարեկան է, ապրել է իր տարիքը, ինչքան ուզում եք դեղ տանք՝ չենք կարող նրան երիտասարդացնել կամ անմահացնել։ Բնության մեջ յուրաքանչյուր բան՝ ծառ, թուփ, մարդ, շուն, կատու ունեն իրենց կյանքի տևողությունը, թեղիների մոտ էլ, իրենց կյանքի տևողությունը վաղուց ավարտված է»,-նշել է նա:
Բեգոյանը մանրամասնել է, որ որդերը ծառերի ամբողջ բնամասը քայքայում են, վերացնում արմատ-սաղարթ կորելացիոն կապը և հետևաբար սաղարթները վերանում են։ Ընգծել, որ թեղիները բացասական են ազդում նաև էկոլոգիական առումով։
«Այս չեղած ծառերը վնասատուների, ժողովրդական լեզվով՝ այդ որդ ու բլոճների ձմեռման, բարգավաճման տեղեր են, որոնք այնուհետ տարածվում են քաղաքի ամբողջ կանաչ զանգվածի վրա»-նշել է Արմեն Բեգոյանը:
Հետևեք մեզ Viber-ում
