Հայտնի է,թե որտեղ է հանգիստն անցկացնելու վարչապետը

Այսօր լուրեր տարածվեցին,որ  ՀՀ վարչապետ Կարեն Կարապետյանի պարտականությունները հունվարի 8-ից 12-ը կկատարի փոխվարչապետ Վաչե Գաբրիելյանը: Կառավարության ղեկավարի՝ դեկտեմբերի 29-ի ամսաթվով թվագրված, սակայն այսօր հրապարակված որոշման մեջ ասված է. «Հայաստանի Հանրապետության վարչապետին` 2018 թվականի հունվարի 8-12-ը ներառյալ արձակուրդի մեջ գտնվելու ժամանակահատվածում փոխարինելու է ՀՀ փոխվարչապետ, ՀՀ միջազգային տնտեսական ինտեգրման և բարեփոխումների նախարար Վաչե Գաբրիելյանը»: Վարչապետի մամուլի խոսնակ Արամ Արարատյանն էլ այսօր ֆեյսբուք սոցիալական ցանցի իր էջում գրել է, որ Կարեն Կարապետյանն արձակուրդը կանցկացնի արտերկրում: Մեզ հայտնի է դարձել,որ վարչապետը իր հանգիստն անցկացնելու է Շվեյցարիայում:Հայտնի է նաև,որ Կարեն Կարապետյանին է պատկանում թանկարժեք ժամացույցների արտադրությամբ զբաղվող շվեյցարական «Կրբեդանց JW» ընկերությունը:Եվ կարելի է ենթադրել,որ այս անգամ վարչապետը որոշել է հաճելին համատեղել օգտակարության հետ,այսինքն՝ համատեղել հանգիստն ու բիզնեսի կառավարումը: