Ազգային անվտանգության գխավոր սպառնալիքը անձամբ դու ես և քո վարչախումբը. Սաղաթելյանի պատասխանը՝ Փաշինյանին

Նիկոլ Փաշինյան, Հայաստանի, հայ ժողովրդի, ազգային անվտանգության թիվ մեկ սպառնալիքը անձամբ դու ես և քո վարչախումբը, ով Ալիևի հետ համատեղ հայաթափեց Արցախը, այնուհետև Հայաստանի Հանրապետությունից շուրջ 240 կմ քառ. տարածք ռազմավարական նշանակություն ունեցող դիրքերով հանձնեց Ադրբեջանին։ 

Հայաստանի անվտանգության թիվ մեկ սպառնալիքն անձամբ դու ես և քո ռեժիմը, ովքեր զոր ու գիշեր պայքարում են Հայ Առաքելական Սուրբ Եկեղեցու, ազգային արժեքների և հայկական ինքնության դեմ։ 

Դուք շարունակում եք մնալ հայկական իրականության մեջ գլխավոր սպառնալիքներից մեկը, քանի որ փորձում եք մեկ անգամ ևս խաբել մեր ժողովրդին, վերարտադրվել և Ադրբեջանի, Թուրքիայի պահանջով, փոխել Հայաստանի սահմանադրությունը ՝հրաժարվելով անկախության հռչակագրից և ուրանալալ հայոց ցեղասպանությունը։ 

Դուք պատրաստվում եք Հայաստանում ձևավորել ադրբեջանական համայնք և անկլավների անվան տակ Հայաստանից իրականացնել նոր զիջումներ։

Հայաստանի, հայ ժողովրդի սպառնալիքները չեզոքացնելու համար մեր բոլորիս խնդիրն է առաջիկայում կանխել այդ սպառնալիքի վերարտադրությունը։ 

Իսկ ինչ վերաբերում է Դաշնակցության լինել կամ չլինելուն, ընդամենը հիշեցնեմ, որ ձեզանից առաջ այլ սուրթաններ և բոլշևիկներ փորձել են դա անել։ Հիմա այդ համակարգերը, և նրանք չկան, իսկ Դաշնակցությունը կա և լինելու է` շարունակելով պաշտպանել իր հայրենիքը, պետությունը և ի հեճուկս ձեզ և ձեր տերերի։

Իշխան Սաղաթելյան

ՀՅԴ Հայաստանի Գերագույն մարմնի ներկայացուցիչ, 

ՀՀ ԱԺ «Հայաստան» խմբակցության պատգամավոր