Նահանջ չի լինելու Կաթողիկոսի կողմից․ Արշակ Սրբազան

«Տեղի ունեցողը պարզապես խայտառակություն է, սա հարվածում է ոչ միայն եկեղեցու հիմքերին, այլև պետության և ազգի հիմքերին»,-լրագորղների հետ զրույցում ասաց Մայր Աթոռ Սուրբ Էջմիածնի դիվանապետ Արշակ արքեպիսկոպոս Խաչատրյանը՝ անդրադառնալով Հայ Առաքելական Սուրբ Եկեղեցու դեմ իշխանությունների սանձազերծած արշավին։

«Ազգ և պետություն հասկացությունները պարզապես բառեր չեն, դրանք ունեն բովանդակություն և արժեքային հիմք։ Եթե դրանցից դուրս բերենք կրոնական համոզումը և այն արժեքային տարրերը, որոնք ձևավորել են մեր ինքնությունը, ապա գրեթե ոչինչ չի մնա։

Ինչ վերաբերում է մեր եկեղեցականների և Ամենայն Հայոց Կաթողիկոսի հաստատակամությանը, ապա, ինչպես արդեն ասել եմ և ինչում համոզված եմ, հետքայլ կամ նահանջ չի լինելու՝ ո՛չ Կաթողիկոսի կողմից, ոչ էլ իմ այն հոգևոր եղբայրների կողմից, որոնք հրապարակայնորեն արտահայտել են իրենց համոզումները»։