Սիրիան շահագրգռված է, որ Ռուսաստանի ներկայությունը պահպանվի․ Լավրով

Փոխադարձ հարգանքն ու փոխշահավետությունը այն սկզբունքներն են, որոնք ընկած են Սիրիայի Արաբական Հանրապետության հետ մեր հարաբերությունների հիմքում հենց սկզբից՝ դրա կազմավորման պահից։ Այս մասին, ինչպես հայտնում է Ռուսաստանի ԱԳՆ-ն, Al Arabiya հեռուստաալիքին տված հարցազրույցում հայտարարել է երկրի արտաքին գործերի նախարար Սերգեյ Լավրովը։

«Մենք թանկ ենք գնահատում այս հարաբերությունները: Երկկողմ շահագրգռվածությունը հարաբերությունների կարգավորման հարցում՝ Սիրիայում տեղի ունեցած նման դրամատիկ փոփոխություններից հետո, արտացոլում է մեր սիրիացի գործընկերների պատկերացումը Ռուսաստանի կայունացնող դերի մասին։ Այն է՝ թույլ չտալ, որ Սիրիան մնա մեկ կամ երկու արտաքին գործոնների ազդեցության տակ։

Նրանք մեր ներկայության մեջ, այդ թվում՝ Հմեյմիմում և Տարտուսում մեր երկու օբյեկտների առկայության մեջ, տեսնում են կայունացնող գործոն՝ մի դեր, որը հավասարակշռում է այլ խաղացողների ազդեցությունը։

Ինչ վերաբերում է մեր ռազմական օբյեկտներին. այժմ մենք քննարկում ենք դրանք։ Սիրիացիները, կրկնում եմ, շահագրգռված են, որ մեր ներկայությունը պահպանվի։ Դրանք արդեն զուտ ռազմական գործառույթներ չեն, ինչպես նախքան 2025 թվականի դեկտեմբերն էր, այլ լիովին պիտանի օբյեկտներ են, որոնք կարող են հումանիտար հաբեր վերապրոֆիլավորվել։

Սիրիան հարմար տարանցիկ կետ է։ Մենք պատրաստ ենք մեր հումանիտար օգնությունը, որն ուղղվում է նաև Աֆրիկա, ուղարկել հենց այդ օբյեկտների միջոցով։ Ուրախ կլինենք, եթե այլ պետություններ նույնպես օգտվեն գոյություն ունեցող այս հարմար հարթակներից՝ հումանիտար և այլ քաղաքացիական բեռներ Աֆրիկյան մայրցամաք ուղարկելու համար», - նշել է Լավրովը։