Ինչ է ասել Խաչատուր Սուքիասյանը «Ռոսիա» մոլի աշխատակիցներին
«Ես վաճառում եմ տեղական արտադրության կոշիկներ։ Միշտ լսում ենք՝ պետք է աջակցենք տեղական արտադրությանը, բայց արդյոք դա արտոնություն է, եթե տարածքը փակվում է։ Ի՞նչ անենք, մտածենք, թե որտեղից գումար հավաքենք, մեր ընտանիքները պահե՞նք»,- լրագրողներին ասաց «Ռոսիա» առևտրի կենտրոնի աշխատակիցներից մեկը։
Նշենք, որ կենտրոնի աշխատակիցները բողոքի ակցիա են իրականացնում։ Նրանց հայտնել են, որ տարածքը վերանորոգվելու է, իսկ նրանք կարող են տեղափոխվել «Երևան» տոնավաճառ։ Սակայն աշխատակիցները դեմ են այս առաջարկին։
«Մենք ողորմություն չենք խնդրում, ցանկանում ենք պարզապես բարելավել աշխատանքային պայմանները և շարունակել մեր գործունեությունը։ Պարոն Խաչատուր Սուքիասյանը միշտ էլ մեզ նշել է, որ ցանկանում է աջակցել տեղական արտադրությանը, բայց հիմա հարց է առաջանում՝ արդյոք այդ աջակցությունը նշանակում է փակվելը»,- հավելեց աշխատակիցը։
«Հրապարակ օրաթերթ»
Հետևեք մեզ Viber-ում
