Հայտնի են Սյունիքում ողբերգական վթարից մահացած երիտասարդ ամուսինների տվյալները

Հունվարի 1-ին, ժամը 18:45-ին ահազանգ է ստացվել, որ Սյունիքի մարզի «Վարդանի ձոր» գյուղի մոտակայքում տեղի է ունեցել ՃՏՊ՝ ավտոմեքենան շրջվել է, կա տուժած. անհրաժեշտ է փրկարարների օգնությունը: Դեպքի վայր է մեկնել մեկ մարտական հաշվարկ: Պարզվել է, որ Մ-2 ավտոճանապարհի Մեղրի-Քաջարան հատվածի 16-րդ կմ-ին «Volkswagen Golf» մակնիշի 34 ND 217 պետհամարանիշով (վարորդ՝ 1991 թ. ծնված Ս. Բ.) ավտոմեքենան դուրս է եկել ավտոճանապարհի երթևեկելի հատվածից, բախվել ճամփեզրի արգելապատնեշներին և շրջվել, ինչի հետևանքով վարորդը և ուղևոր՝ 1999 թ. ծնված Լ. Մ.-ը տեղում մահացել են: Փրկարարները հոսանքազրկել են ավտոմեքենան, փակել գազի բալոնի փականը, դուրս բերել վարորդի և ուղևորի դիերը, մոտեցրել շտապօգնության ավտոմեքենային: Գ. Շամշյանի տեղեկություններով մահացածները ամուսիններ են: Ոստիկանությունն ու քննչական բաժինը պարզում է նրանց ամբողջական տվյալները: Վարորդը` 1991 թ. ծնված Սեյրան Բաբլումյանը, և կինը` 1999 թ. ծնված Լուսինե Մարգարյանը, տեղում մահացել են: