Նիկոլ Փաշինյանի՝ եկեղեցու «բարենորոգման» արշավի ֆոնին Պաշտպանության նախարարի հրամանով Զինված ուժերի հոգևոր ծառայությունը փետրվարի 1-ից դուրս բերվեց Մայր Աթոռի ենթակայությունից։
Շուրջ 3 տասնամյակ ՀՀ ԶՈւ-ում ծառայող գնդերեցների ճնշող մեծամասնությունն այլևս հոգևոր ծառայություն չի իրականացնում զորամասերում, նրանք վերադարձել են Մայր Աթոռ։
Մայր Աթոռի տեղեկատվական համակարգի տնօրեն Տեր Եսայի քահանա Արթենյանն այսօր՝ փոտրվարի 4-ին, NEWS.am-ի հետ զրույցում նշեց, որ ԶՈւ-ում հոգևոր ծառայության վերաբերյալ այս որոշումը նախևառաջ չի բխում զինվորների, ինչպես նաև նաև հայոց բանակի շահերից և կարիք ունի որոշակի պարզաբանումների և վերանայման։
«Պաշտպանության նախարարի այդ որոշումը՝ դադարեցնելու Զինված ուժերի հոգևոր ծառայությունը, իրականացվել է օրենսդրական խախտումներով, մենք այս մասին առիթ ունեցել ենք հայտարարելու։ Գիտեք, որ Հայաստանի Հանրապետության և Հայաստանյաց առաքելական Սուրբ եկեղեցու հարաբերությունների մասին օրենքով եկեղեցուն իրավունք է վերապահված ունենալու մշտական հոգևոր ներկայացուցիչ զորամասում ։ Նաև Մայր Աթոռի և ՊՆ-ի միջև կնքված հոգևոր ծառայության կանոնադրության համաձայն ԶՈւ-ի հոգևոր ծառայությունը լուծարվում է Ամենայն հայոց կաթողիկոսի օրհնագրով և ՊՆ-ի հրամանով։ Այս 2 օրենքները հստակորեն խախտվել են։
Զինված ուժերում հոգևոր ծառայության դադարեցման պահին մենք ունեցել ենք 42 գնդերեց։ Երբ դադարեցվեց ԶՈւ-ում հոգևոր ծառայությունը 42 գնդերեցներից 3-ը ժամկետային զինծառայող են, նրաք անցել են ժամկետային ծառայության, մնացած 39-ը գնդերեցից 4-ը միացան «բարենորոգման» շարժմանը, իսկ մնացյալ գնդերեցները վերադարձել են Մայր Աթոռ և իրենց ծառայության նոր նշանակումներ կլինեն։
ԶՈւ-ում հոգևոր ծառայության վերաբերյալ այս որոշումը նախևառաջ չի բխում զինվորների և նաև հայոց բանակի շահերից ու կարիք ունի որոշակի պարզաբանումների և վերանայման։
Գիտեք, որ բանակում գնդերեցների նկատմամբ որոշակի ճնշումներ կիրառվել են և գնդերեցները չեն համաձայնել այդ պայմաններին՝ միանալ «բարենորոգման» շարժմանը, ըստ այդմ բնականաբար իրենց գործունեությունը որոշ առումով խոչընդոտվել է»,- նշեց Տեր Եսայի քահանա Արթենյանը։
Փետրվարի 5-ին՝ ժամը 16։00-ին, Հայելի ակումբի հյուրն է «Համահայկական ճակատ» շարժման անդամ Ռուզան Ստեփանյանը
Փետրվարի 5-ին՝ ժամը 15։00-ին, Հայելի ակումբի հյուրն է գյումրեցի իրավապաշտպան Կարապետ Պողոսյանը
Փետրվարի 5-ին՝ ժամը 13։00-ին, Հայելի ակումբի հյուրն է լեզվաբան Նարինե Դիլբարյանը
Փետրվարի 5-ին՝ ժամը 12։00-ին, Հայելի ակումբի հյուրն է արցախցի Անաստաս Իսրայելյանը
Փետրվարի 4-ին՝ ժամը 11։00-ին, Հայելի ակումբի հյուրն է արցախցի Անաստաս Իսրայելյանը
Փետրվարի 4-ին՝ ժամը 14։00-ին, Հայելի ակումբի հյուրն է Գագիկ Մինասյանը
Փետրվարի 4-ին՝ ժամը 16։00-ին, Հայելի ակումբի հյուրն է ՀՀԿ երիտթևից Հենրիխ Դանիելյանը
Փետրվարի 4-ին՝ ժամը 13։00-ին, Հայելի ակումբի հյուրն է Մայր Հայաստանից Սամվել Հակոբյանը
Փետրվարի 4-ին՝ ժամը 12։00-ին, Հայելի ակումբի հյուրն է Խաչիկ Մանուկյանը
Փետրվարի 3-ին՝ ժամը 13։00-ին, Հայելի ակումբի հյուրն է ԱԺ նախկին պատգամավոր Արման Աբովյանը
Հետևեք մեզ Viber-ում
