Կրեմլը փորձում է Փաշինյանին կիսամութ սենյակից հանել

 Լավրովն ասում է՝ «Հայաստանը մնում է ՀԱՊԿ անդամ բոլոր իրավունքներով և պարտավորություններով» և աջակցում է «Երևանի լիիրավ մասնակցությանը»։ Փաստացի սա հստակ պահանջ է՝ Ռուսաստանը ուզում է, որ Հայաստանը պահի իր պարտավորությունները և չշեղվի։

Փաշինյանը արդեն հայտարարել է, որ մասնակցությունը սառեցված է, հարաբերությունները անցել են անդարձելի կետը, բայց իրավական անդամությունը պահպանվում է։ Այնինչ Կրեմլը՝ Լավրովի մակարդակով, կրկին հստակ ներկայացնում է իր պահանջը՝ Հայաստանը պարտավոր է պահպանել լիարժեք անդամության դրույթները։

Թվում է, թե Կրեմլը խոցելի վիճակում է և վերահսկողությունը չի կարողանում կարգավորել, սակայն իրականում սառնասրտորեն հիշեցնում է իրավական փաստաթղթի բովանդակությունը։ Լավրովը շարժվում է ստանդարտ սպասելիքների տրամաբանությամբ՝ Հայաստանի լիարժեք անդամ լինելու հիման վրա։ Փաշինյանը, մինչդեռ, կիսամութ սենյակում է՝ սառեցված մասնակցություն և իրավական անդամություն։

Պետք է նշել, որ Փաշինյանի քաղաքական մանևրը երկարատև խաղում վտանգավոր է դարձել բուն Հայաստանի համար։ Ռիսկերի դինամիկան անընդհատ մեծանում է։ Ռուսաստանն այն երկիրը չէ, որ սխալ հաշվարկ անի կամ խնայի իր ճնշումը Հայաստանի վրա, քանի որ Հայաստանը պաշտոնապես դեռ ՀԱՊԿ անդամ է։
Հայաստանը պետք է շատ ճշգրիտ հաշվարկի, թե երբ և ինչպես դուրս գալ այս «կիսամութ սենյակից», որի դիմաց կանգնած են Ռուսաստանը, ԱՄՆ-ը և Եվրոպան։ Երեքն էլ արդեն գնահատել են հնարավոր ռիսկերը և ունեն իրենց նախապես մշակված պատասխանները։

Հասմիկ Բաբաջանյան

«Հրապարակ օրաթերթ»