Այդ «ոչ լեգիտիմ» պիտակը կկպչի ու կմնա միության և նախագահի վրա.Կարինե Հակոբյան

Լռությունը խախտելով ուզում եմ երեկվա Ժուռնալիստների միության, իրականում չկայացած, համագումարին անդրադառնալ:1000 -ից ավելի անդամ ունեցող միության նախագահը ասում են որ ընտրվել է 57 ձայնով: Անգամ Հայաստանում, որևէ մեկը կարո՞ղ է ինձ բացատրել ինչպես է դա հնարավոր: էկրանի առջև նստած երեխան, որ տեսնում է այդ ամենը, այդ մի խումբ մարդկանց իրարանցումը, որը ուզում ենք ընտրություն համարել, ի՞նչ քաղաքացի պետք է դառնա: Եվ ընդհանրապես ժուռնալիստները, մենք բոլորս այդքանից հետո ի՞նչ իրավունք ունենք որևէ մեկին, կամ որևէ բան քննադատելու: Որևէ ընտրության խարդախության մասին խոսելու: Ես,իհարկե, ոչ մի կերպ չեմ կարողանում հասկանալ, որ եթե կար նպատակ միությունը վերակենդանացնելու, ապա ինչու չէր կարելի մի քանի ամիս ժամանակ հատկացնել և այո, թեկուզ <<սառեցված>> կամ չգործող միության 1000 և ավելի անդամներին հրավիրել համագումարի, ինչպես, լավ կամ վատ, անում են մյուս միությունները: Ես և ամենայն հավանականությամբ շատ-շատերը կընտրեինք հենց Սաթիկին: Ինչու՞ չեր կարելի կիրթ կազմակերպել այդ ամենը և ոչ թե այդպես վարկաբեկվել և խայտառակել մեզ բոլորիս: Ես ինքս այդ միության անդամ եմ բավական վաղուց և անկեղծ ասած հիմա ամաչում եմ դրա համար: Նրանք ովքեր կարծում են որ կեղծիքով և օրենքները խախտելով կարելի է լավ բան ստեղծել, գործը տեղից շարժել սխալվում են: Ինչպես սկսում ես այդպես էլ գնում է: Իսկ այդպիսի ճանապարհը ոչ ոքի ձեռնտու չէ: եվ Սաթիկին նույնպես: Այնպես որ բոլոր լռողները լավագույն դեպքում նրան արջի ծառայություն են մատուում, իսկ վատագույն դեպքում ... Կարծում եմ ուշ չէ այդ խայտառակությունը մեծահոգաբար համարել որ տեղի չի ունեցել և նախապատրաստվել ու գարնանը իրական համագումար անցկացնել, ժուռնալիստին վայել համագումար: Թե չէ այդ<< ոչ լեգիտիմ>> պիտակը կկպչի ու կմնա միության և նախագահի վրա: Կարինե Հակոբյանի գրառումը