Քիչ առաջ Նիկոլ Փաշինյանը լրագրող Անի Գևորգյանին սպառնաց

Քիչ առաջ Նիկոլ Փաշինյանը լրագրող Անի Գևորգյանին սպառնաց, որ եթե նա ձայն հանի, ապա կառավարության շենք այլևս չի մտնի, այսինքն՝ կդադարեցվի նրա հավատարմագրումը: Նիկոլ Փաշինյանի այս հայտարարությունը կրկին հակաիրավական է, որովհետև կառավարության՝ 4 մարտի 2004 թվականի N 333-Ն որոշման 13-րդ կետը հստակ սահմանում է այն դեպքերը, որոնց պարագայում դադարեցվում է լրագրողի հավատարմագրումը, որոշումը տեղադրված է կառավարության պաշտոնական կայքում.
13. Պետական մարմինը լրագրողի հավատարմագրումը կարող է դադարեցնել, եթե`
ա) նա անգործունակ կամ սահմանափակ գործունակ է ճանաչվել դատական կարգով.
բ) դատապարտվել է դիտավորյալ հանցագործության համար, և նրա դատվածությունը մարված կամ հանված չէ.
գ) նա տարածել է պետական մարմնի գործունեության մասին այնպիսի տեղեկություններ, որոնք չեն համապատասխանել իրականությանը, ինչը հաստատվել է դատարանի վճռով.
դ) հավատարմագրումը դադարեցնելու մասին դիմել է նրան հավատարմագրման ներկայացրած լրատվական գործունեություն իրականացնողը.
ե) դադարել է գործել լրագրողին հավատարմագրման ներկայացրած լրատվական գործունեություն իրականացնողը, և դադարեցվել է լրագրողի ներկայացրած լրատվության բոլոր միջոցների տարածումը:

Այս մասին գրել է Կորյուն Սիմոնյանը