Չեմ ցանկանում որևէ մեկին վիրավորած լինեմ.Հենրիխ Մխիթարյանը Հայաստանը շատ ավելի ճանաչելի է դարձրել, քան մյուսները.Ռ.Հայրապետյան

«Լավագույն մարզիկներին ընտրել է հանրությունը: Դա չի որոշել ո՛չ ծանրամարտի ֆեդերացիայի նախագահն, ո՛չ սպորտի նախարարը կամ ֆուտբոլի ֆեդերացիայի նախագահն: Հենրիխ Մխիթարյանը Հայաստանը շատ ավելի ճանաչելի է դարձրել, քան այլ մարզիկներ» ,- Ազատություն ռադիոկայանին տված հարցազրույցում հայտարարել է  Հայաստանի ֆուտբոլի ֆեդերացիայի նախագահ Ռուբեն Հայրապետյանը՝խոսելով  «Հայաստանի 2017 թվականի 10 լավագույն մարզիկներ» մրցույցթի մասին: «Չեմ ցանկանում որևէ մեկին վիրավորած լինեմ, կամ նրա կատարած աշխատանքը: Այստեղ խնդիրն  այն է, որ մենք ունենք աշխարհահռչակ ֆուտբոլիստ, ով հանդես է գալիս միջազգային շատ բարձր ասպարեզներում»,-ասել է նա: «Նա Հայաստանի ազգային հավաքականի ավագն է, ով ամեն ինչ անում է մեր հաջողության համար: Եթե մեր ընտրանին չի դարձել աշխարհի կամ Եվրոպայի մրցանակակիր, ապա դա չի նշանակում, որ մեր ֆուտբոլը սպորտաձև չէ: Նույն հաջողությամբ կարող ենք ասել, թե ինչու էին ժամանակին 10 տարի շարունակ Խորեն Հովհաննիսյանին ընդգրկում լավագույն մարզիկների մեջ: Նա խաղում էր «Արարատում», սակայն տիտղոսներ չէր նվաճում:Ֆուտբոլը նույնպես սպորտաձև է: Քննադատողներին կցանկանամ հիշեցնել վերջին անգամ, որ ֆուտբոլն ամենամասայական սպորտաձևն է, որով հետաքրքրվում են գրեթե բոլորը»,- ասել է Ռուբեն Հայրապետյանը: