Հիմնազուրկ ու անհեթեթ հայտարարություն.Շարմազանովը՝ Ադրբեջանի նախագահի օգնականի հայտարարության մասին
ԱԺ փոխնախագահ,ՀՀԿ փոխխոսնակ Էդուարդ շարմազանովը ՀՀԿ ԳՄ նիստից հետո անդրադարձավ նաև Ադրբեջանի նախագահի օգնականի հայտարարությանը, թե պատրաստ են Ղարաբաղին տալ բարձր կարգավիճակ: «Դրանք հիմնազուրկ են ու անհեթեթ: Մի պետություն չի կարող մի անկախ պետության տալ պետության կարգավիճակ, ԼՂՀ-ն նույն իրավական ու օրենսդրական հիմքերով է առանձնացել ԽՍՀՄ-ից: Դա ուշացած, անհեթեթ հայտարարություն էր, կա Մինսկի խմբի ձևաչափ, կա ՀԱՊԿ-ի դեկտեմբերյան հայտարարությունը, կան նաև Բրյուսելում համաձայնագրի ժամանակ ԵՄ-ի նշումները 3 սկզբունքների միասնական կիրառման ու ինքնորոշման իրավունքի վերաբերյալ »,- ընդգծեց Շարմազանովը: «Ադրբեջանական կողմի հայտարարություններն անիմաստ են ու կապ չունեն իրականության հետ:Հայաստանը բանակցում է երկու կարևոր հարցի շուրջ, ինչի մասին խոսել է նախագահը Ժնևում։ Նախագահն ասել է՝ Արցախը ոչ մի կարգավիճակով չի կարող լինել Ադրբեջանի մաս, Արցախի ժողովրդի անվտանգության երաշխիքները մեզ համար շատ կարևոր են, եթե ադրբեջանցիները սա փորձում են ներկայացնել որպես փոխզիջում, մի բան կարող եմ ասել` բարև ձեզ»,- եզրափակեց Շարմազանովը: Էդուարդ Շարմազանովը խոսեց նաև ՌԴ ԱԳՆ պաշտոնական ներկայացուցիչ Մարիա Զախարովայի՝ Թուրքիայի նախագահ Ռեջեփ Թայիփ Էրդողանի հայտարարության պատասխանի մասին: «Թուրքիան ու Ռուսաստանն արդեն 300 տարի է մրցակցում են և հակառակորդ պետություններ են Կովկասյան տարածաշրջանում: Նրանցից յուրաքանչյուրն ունի իր շահերը, նրանք օբյեկտիվներն չեն կարող լինել դաշնակիցներ, բայց մերձեցումներ կարող են լինել՝ որոշակի շահերից ելնելով: Գլոբալ առումով Թուրքիան ու Ռուսաստանը տարբեր պետական շահեր ունեն այս տարածաշրջանում, նրանց կարծիքները տարբեր են ոչ միայն Սիրիայի հարցում, այլև ՌԴ-ի համար շատ կարևոր Ղրիմի հարցում, որտեղ Ռուսաստանի ու Թուրքիայի կարծիքները բավականին իրարամերժ են: Միայն քաղաքագիտությունից կամ ռուս-թուրքական հարաբերություններից չհասկացող մարդիկ կարող էին եզրակացություն անել, որ ՌԴ-ն Էրդողանի հայտարարության հետ կապված պաշտոնական հայտարարություն չի անի կամ չեզոքություն կպահի»,-շարունակեց Էդուարդ Շարմազանովը:
Հետևեք մեզ Viber-ում
