«Գավառի թատրոնի շենքը գրեթե պատրաստ է, բայց կան որոշակի թերություններ». Հակոբ Ղազանչյան (Հայաստանի թատերական գործիչների միության նախագահ) (video)

Այսօր «Հայելի» ակումբի ասուլիսի ժամանակ անցնող տարին ամփոփեց և գալիք տարվա անելիքներից խոսեց Հայաստանի թատերական գործիչ­ների միության նա­խա­գահ Հակոբ Ղազանչյան: Ըստ նրա՝ անցնող տարվա և ընդհանրապես վերջին տա­սը տարիների կարևոր իրադարձությունն է  «Արտավազդ» թատերական մրցանա­կաբաշխությունը, որը տարեցտարի հիմնավորվում ու դառնում է տարվա լավագույն թատերական մրցանակաբաշխությունը: Տարվա ձեռքբերումներից նշեց նաև այն, որ Հայաստանի շատ թատրոններ՝ «Դրամատիկական թատրոնը», «Պատանի հանդիսա­տե­սի թատրոնը», «Տիկնիկային թաատրոնը» և այլն,  մասնակցություն են ունեցել միջազգային կարևոր փա­ռատոնների: Գալիք տարվա անելիքներից նշեց երկու հիմնական իրադարձություն. «Եկող տարի ծրագրում ենք կարևոր ուշադրություն դարձնել մարզային թատրոններին  մաս­­նավորապես՝ Կապանի, Գորիսի, Արտաշատի և Գավառի թատրոններին: Ուրա­խութ­յամբ պետք է հայտնեմ, որ Գավառի թատրոնի շենքը համարյա պատրաստ է: «Արտավազդ» թատերական մրցանա­կաբաշխությունը 2018թվականին կանցկացվի Գորիսում, որը չորս օր առաջ հռչակվեց ԱՊՀ երկրների մշակութային մայրաքա­ղաք»: Երկրորդ և գլխավոր իրադարձությունը՝ ըստ Ղազանչյանի,  Հայաստանում կայանալիք  «Թատերա­կան երիտասարդության միջազգային ֆորումն» է, որին կմասնակցեն թատերական երիտասարդ գործիչներ ԱՊՀ երկրներից, Մերձբալթյան երկրներից և Վրաստանից: