Ռուբեն Թաթուլյանի մասին հարցն ուղղեք ԱԳՆ-ին.Շարմազանով
« Ռուսաստանաբնակ հայ գործարար Ռուբեն Թաթուլյանի մասին հարցն ուղղեք արտաքին գործերի նախարարությանը: Պետք է լավ իմանաք, որ հատկապես դիվանագիտական անձնագրի հարցով պետք է դիմեք ոչ թե Ազգային ժողովի փոխնախագահին, այլ արտաքին գործերի նախարարությանը: Սա իմ լիազորությունների շրջանակում չէ, հատկապես դիվանագիտական անձնագրի հետ կապված: Չկա դատական ատյանի վճիռ: Հայաստանի Հանրապետությունում ֆինանսական ներդրումներն ու աղբյուրները պետք է լինեն օրինական, բայց մի մոռացեք, որ վճիռ չկա», -հարցին, թե ինչպես է վերաբերվում այն հանգամանքին, որ Ռուբեն Թաթուլյանը, որն ԱՄՆ ֆինանսների նախարարության սեւ ցուցակում է հայտնվել օրենքով գողերի հետ կապի համար, ունի ՀՀ դիվանագիտական անձնագիր եւ Հայաստանի ներդրողների ակումբի անդամ է նման պատասխան տվեց Ազգային ժողովի փոխնախագահ, ՀՀԿ մամուլի խոսնակ Էդուարդ Շարմազանովը :
Հետևեք մեզ Viber-ում
