Դեկտեմբերի 20–21-ը Հրազդան քաղաքում անցկացվեց Արցախից տեղահանվածներին օգնություն տրամադրելու մարդասիրական ծրագրի հերթական փուլը։ Միջոցառման շրջանակում բաժանվել է մեծահասակների համար նախատեսված 415 և երեխաների համար նախատեսված 67 փաթեթ։ Տեղահանվածները ստացան սննդամթերքի և հիգիենայի առաջին անհրաժեշտության հավաքածուներ, ինչպես նաև մանկական սննդով առանձին փաթեթներ։
Հրազդանում իրականացված մարդասիրական ակցիան անցկացվել է Արցախից տեղահանվածների աջակցության լայնածավալ ծրագրի շրջանակում, որը իրականացվում է Ռուսաստանի Դաշնության կողմից։ Ծրագիրը կազմակերպել է «Ռուսական մարդասիրական առաքելություն» կազմակերպությունը «Եվրասիա» ԻՈԱԿ-ի հետ համատեղ՝ «Ռուսաստանը ձեզ հետ է» ծրագրի շրջանակում, Ռոսսոտրուդնիչեստվոյի հովանու ներքո և տեղական իշխանությունների ու կամավորների աջակցությամբ։
«Ռուսական մարդասիրական առաքելությունն» 2010 թվականից իրականացնում է մարդասիրական, բժշկական և կրթական ծրագրեր աշխարհի տարբեր տարածաշրջաններում և 2020 թվականից համակարգված աջակցություն է ցուցաբերում Հայաստանի բնակչությանը։
Ծրագիրը մեկնարկել է հուլիսի 31-ին և իրականացում է մի քանի փուլով՝ ըստ պլանի մինչև դեկտեմբերի վերջ, սակայն որոշում է կայացվել շարունակել աջակցությունը 2026 թվականին նույնպես։ Այս ընթացքում հասցեական օգնություն է տրամադրվել ավելի քան 5 500 ընտանիքի՝ Հայաստանի մի շարք մարզերում բնակվող Արցախից տեղահանվածներին, և հատկացվել է ավելի քան 6 000 մարդասիրական հավաքածու։ 2023–2024 թվականներին ՌՀԱ-ն մարդասիրական բեռներ է հասցրել Արցախից տեղահանվածներին, ռուսերենով ուսուցմամբ դպրոցներին փոխանցել է դասագրքեր, իրականացրել մանկական և կրթական ծրագրեր, ինչպես նաև աջակցություն է ցուցաբերել բնական աղետներից տուժած բնակչությանը։
«Լեռնային Ղարաբաղից տեղահանվածների աջակցությունը մեկանգամյա ակցիա չէ, այլ հետևողական և շարունակական աշխատանք։ Այսօր ծրագիրը ընդգրկում է հազարավոր ընտանիքների, որոնք հայտնվել են բարդ կենսական իրավիճակում։ Մենք տեսնում ենք, որ նման աջակցությունը իսկապես անհրաժեշտ է մարդկանց, ուստի որոշում ենք կայացրել ծրագիրը երկարաձգել մինչև 2026 թվականը և շարունակել մարդասիրական հավաքածուների մատակարարումները։ Մեզ համար կարևոր է ոչ միայն փոխանցել սննդամթերք և անհրաժեշտ իրեր, այլև մարդկանց տալ հենարանի և ապագայի նկատմամբ վստահության զգացում, ցույց տալ, որ դժվար պահին Ռուսաստանը ձեզ հետ է», — նշել է Ռոսսոտրուդնիչեստվոյի ղեկավարի տեղակալ Իգոր Յուրիևիչ Չայկան։
Հունիսի 16-ին՝ ժամը 12։00-ին, Հայելի ակումբի հյուրն է Արմինե Ադիբեկյանը
Հունիսի 16-ին՝ ժամը 14։00-ին, Հայելի ակումբի հյուրն է Ձյունիկ Աղաջանյանը
Հունիսի 16-ին՝ ժամը 13։00-ին, Հայելի ակումբի հյուրն է Երվանդ Բոզոյանը
Հունիսի 16-ին՝ ժամը 10։30-ին, Հայելի ակումբի հյուրն է Հովհաննես Իշխանյանը
Հունիսի 15-ին՝ ժամը 15։30-ին, Հայելի ակումբի հյուրն է քաղաքագետ, ԲՀԿ ցուցակով պատգամավորի թեկնածու Սուրեն Սուրենյանցը
Հունիսի 15-ին՝ ժամը 14։00-ին, Հայելի ակումբի հյուրն է լեզվաբան Նարինե Դիլբարյանը
Հունիսի 15-ին՝ ժամը 13։00-ին, Հայելի ակումբի հյուրն է ԱԺ նախկին պատգամավոր Նաիրա Զոհրաբյանը
Հունիսի 12-ին՝ ժամը 15։00-ին, Հայելի ակումբի հյուրն է Արամ Գասպարի Սարգսյանը
Հունիսի 12-ին՝ ժամը 14։00-ին, Հայելի ակումբի հյուրն է Կարինե Նալչաջյանը
Հունիսի 12-ին՝ ժամը 13։00-ին, Հայելի ակումբի հյուրն է Հայկ Այվազյանը
Հետևեք մեզ Viber-ում
