«Կեթաս, մարդուդ տենց կասես».ավագանու նիստին թեժ է

Ազատամարտիկներ Ապրես Հովհաննիսյանին եւ Հրանտ Աղաբեկյանին բնակարաններ տրամադրու որոշում կայացվեց Երևանի ավագանու արտահերթ նիստում: Այս որոշումը Երեւանի ավագանին բացատրեց նրանով, որ Հովհաննիսյանների 11 հոգանոց ընտանիքն ապրում է 31 քառակուսի մետր տարածք ունեցող բնակարանում: «Ապրես Հովհաննիսյանը «բռնազավթիչ իշխանություններից հուշամեդալներ է ստացել,  Հովհաննիսյանն հաստատ հանրապետական է:  Մենք ոչ թե անձին ենք դեմ, այլ այս ապօրինի ընթացակարգին: Միայն այս նիստին 250 հազար դոլար է տրամադրվել բյուջեից այս մարդկանց բնակարան տրամադրելու համար»,-ասաց «Երկիր ծիրանի» խմբակցության  անդամ Սոնա Աղեկյանը «Կոռուպցիոն ռիսկ կա, Հրանտ Աղաբեկյանը իշխանության արյունոտ եւ կեղտոտ ձեռքերից մեդալ է ստացել»,-հայտարարեց Մարինա Խաչատրյանը: Սոնա Աղեկյանն էլ հիշեցրեց այս պահին կալանավայրում գտնվող ազատամարտիկներին՝ Սամվել Բաբայանին, Ժիրայար Սեֆիլյանին, Պավլիկ Մանուկյանին, ապա ՀՀ ոստիկանապետ Վլադիմիր Գասպարյանի ոճով դիմեց ավագանու անդմաներին. «Սթափվեց, Երեւանի ավագանու անդամներ»: Այս կոչը հանրապետաաններին կրկին հունից հանեց. «Կեթաս, մարդուդ տենց կասես»,-Սոնա Աղեկյանին դիմեց Ավագանու «Հանրապետական» խմբակցության անդամ Հովհաննես Ավանեսյանը:

Ազատամարտիկներին բնակարան տրամադրելու երկու որոշումն ընդունվեց: