Տհասության ու անպատկառության դեմ ուրիշ ո՞նց պայքարես...
Էս ՔՊ-ի կարկառունների ու իրենց հովանավոր եվրոպաշտոնյաների ամբաղ-զամբաղ խոսույթը լսելիս (ոնց որ իրենց շեֆն էր ասում` եվրոյոնջաների) քիչ է մնում միանաս Ռուբեն Բաբայանի առաջարկին ու ճիպոտահարելու կողմնակից դառնաս... տհասության ու անպատկառության դեմ ուրիշ ո՞նց պայքարես...
Ախր որ տենց նոր բառ եք սովորել` «հիբրիդային պատերազմ» ու բերաններդ գցած ամբողջ օրն ասում եք, գոնե հասկանու՞մ եք դա ինչ է նշանակում, ու ոնց է դա արտահայտվում: Կարո՞ղ եք էդ «հիբրիդային պատերազմի» մի օրինակ բերել, ապացուցել ձեր ասածը, թե՞ ուղղակի «հավայի» խոսելու վարպետ եք, մարդկանց էլ հիմարի տեղ եք դրել:
Կամ որ ձեր վերարտադրության ակտիվ շահառու «կալլասները» խոսում են դրսից եկող ապատեղեկատվությունից ու քարոզչությունից` նկատի ունենալով Ռուսաստանը, կարո՞ղ եք գոնե 2 լրատվամիջոց, մի քանի ՀԿ, ռուսական քարոզչության օրինակներ մատնանշել, օղակներ, որոնք կոնկրետ ֆինանսավորվում են, կապված են Ռուսաստանի հետ և ապատեղեկատվություն ու ՔՊ-ի դեմ քարոզչություն են անում: Թե՞ դա էլ է օդում կախված սուտ ու անպատասխանատու լուրերի շարքից, որը ոչնչով չի հաստատվում:
Բա որ չեն ասում` պետք է ամեն գնով պաշտպանենք մեր ժողովրդավարությունը և ժողովրդի իշխանությունը` օտար միջամտությունից... սա էն նույն շարքից է` «պարտությամբ ինքնիշխանություն ձեռք բերեցինք», «ոչ մի իշխանություն Արցախի համար այնքան բան չի արել, ինչքան մենք»
Դատելով ձեր` ՔՊ-ականների բողոքներից, ամենաշատը դժգոհում եք «Ազատությունից», «Սիվիլնեթից», 2 օր է «Հետքի» դեմ եք գրում (Կոնջորյանի տան թեմայով), 168-ի դեմ եք գրում, «Հրապարակի»...այս լրատվամիջոցներից և ոչ մեկը հեռավոր անգամ առնչություն չունի Ռուսաստանի հետ: Հայաստանում մի լրատվամիջոց կա ՌԴ-ի հետ կապված` Սպուտնիկ Արմենիան, որն ամենազուսպ կոնտենտն է ստեղծում: Մնացածը բացարձակ սուտ պնդումներ են...
Իսկ իրական հիբրիդային պատերազմը դուք եք հայտարարել հայ ժողովրդին, Հայ առաքելական եկեղեցուն, հայի արժեքներին, հոգեվիճակին, հայոց պատմությանն ու գրականությանը...և այդ պատերազմն իրականացնում եք ձեզ հասու բոլոր միջոցներով` կատաղի ջանքերով: Փորձելով հանրությանը ներշնչել, որ ձեզնից պրծում չկա, որ Արևմուտքը ձեր կողքին է, որ ոչ մի այլանդակությունից ու ռեպրեսիվ մեթոդից զերծ չեք մնալու, փողի ու բարոյականության խնդիր էլ չունեք...պատրաստ եք պատերազմ հայտարարել ու հաղթել ժողովրդին...
Բայց տխրեցնեմ ձեզ` ոչ դուք եք դա որոշելու, ոչ էլ ձեր կալասները...
Նկարում` ՔՊ-ի հովանավորներն են` Կայա Կալասն ու Հաքան Ֆիդանը:
Արմրնե Օհանյան
Հրապարակ օրաթերթ
Հետևեք մեզ Viber-ում
