ԵՄ-ն ցանկանում է համաձայնագիր կնքել՝ չնայած մի շարք երկրների բողոքներին

Եվրոպան շատ մոտ է ՄԵՐԿՈՍՈՒՐ-ի կազմակերպության երկրների (Արգենտինա, Բրազիլիա, Պարագվայ և Ուրուգվայ) հետ ազատ առևտրի համաձայնագրի կնքմանը։ Համաձայնագրի վերջնական տարբերակը, որի պատրաստման համար ընդհանուր առմամբ պահանջվել է քառորդ դար, նախատեսվում է ստորագրել 2025 թվականի դեկտեմբերի 20-ին Բրազիլիայում՝ Եվրահանձնաժողովի նախագահ Ուրսուլա ֆոն դեր Լեյենի և Եվրախորհրդի նախագահ Անտոնիո Կոստայի ներկայությամբ։ Այդ մասին տեղեկացնում է «Արմենպրես»-ը՝ վկայակոչելով Euronews-ը։

«Համաձայնագրի կնքման դեպքում Եվրոպան և ՄԵՐԿՈՍՈՒՐ-ի երկրները կստանան 722 միլիոն բնակչություն ընդգրկող միասնական տնտեսական տարածքի հասանելիություն՝ 22 տրիլիոն դոլար համակցված ՀՆԱ-ով։ Եվրահանձնաժողովը լավատեսություն է հայտնում նախագծի ավարտի վերաբերյալ, սակայն դիվանագետները նշում են, որ ԵՄ երկրների միջև դեռևս միասնականություն չկա Հարավային Ամերիկայի ընդհանուր շուկայի հետ համաձայնագրի հարցում»,- ասված է հաղորդագրության մեջ։

Ավելին՝ սկզբնաղբյուրում։