Գարշահոտ ու հակասանիտարական վիճակ՝ Մալաթիայում. կեղտաջրերը ողողում են մի ամբողջ բնակելի թաղամաս

Այսօր՝ դեկտեմբերի 9-ին, Մալաթիա-Սեբաստիա վարչական շրջանի Զորավար Անդրանիկի 10/2 և դրան հարակից բազմաբնակարան շենքերի բնակիչները իրենց զայրույթն էին ուղղում «Վեոլիա Ջուր» ընկերությանը, Երևանի քաղաքապետարանի թեժ գծին և Մալաթիայի թաղապետարանին։

Ֆոտոլրագրող Գագիկ Շամշյանի հետ զրույցում բնակիչները, ովքեր հրաժարվեցին տեսախցիկի առաջ խոսել, ասում էին․ «Մոտ 10 օր է, հավանաբար վնասված կոյուղատարի պատճառով, կեղտաջուրը վարար գետի նման հոսում և մի քանի կիլոմետր անցնում է ավտոտնակների, շենքերի, բակերի մոտով, հասնում անգամ գլխավոր փողոցներ։ 10 օր է, ահազանգում ենք «Վեոլիա Ջուր», Երևանի քաղաքապետարանի թեժ գիծ, Մալաթիայի թաղապետարան, սակայն ոչ մի դրական արդյունք։ Ամբողջ մի թաղամաս տիրում է գարշահոտ վիճակ, անգամ այս եղանակին հոտը զգացվում է մի քանի հարյուր մետրից»։

Ավելին՝ սկզբնաղբյուր կայքում: