«Սուքիասյան» հիմնադրամ. բարեգործություն և զարգացման ծրագրեր
«ՍԻԼ կոնցեռնի» սեփականատեր Սուքիասյան ընտանիքի կողմից ստեղծված «Սուքիասյան» բարեգործական հիմնադրամը՝ այս տարի եւս 2000 ընտանիքների ամանորյա փաթեթներ հանձնեց։ Սա արդեն ավանդական միջոցառում է, որն իրականացվում է հիմնադրամի ստեղծման օրվանից՝ 1999 թվականից։ Սուքիասյանների ընտանիքը եւ ընտանիքի ամենահայտնի անդամ Խաչատուր Սուքիասյանը, որ Հայաստանում մասնավոր տնտեսվարման հիմնադիրներից է՝ գործարար հաջողությանը զուգահեռ նաեւ սոցիալական պատասխանատվության մոդելի կիրառման ջատագով է։ Այս ընկալման առանցքային դրույթն այն է, որ ցանկացած հաջողություն ձեռք է բերվում հանրային միջավայրում եւ անհնար է առանց դրա, ինչից բխում է, որ հաջողության հասած ցանկացած մարդ պետք է աջակցի հանրությանը՝ նրա հոգսերը թեթեւացնելու համար։ Ու եթե «Սուքիասյան» հիմնադրամը անապահով տարեցներին հիմնականում պարենային աջակցություն է ցույց տալիս, նրա գործունեության մեջ առավել կարեւոր են զարգացման ծրագրերը, որ արտահայտվում են շնորհալի ուսանողներին կրթաթոշակներ նշանակելով եւ մշակութային ծրագրեր հովանավորելով, դպրոցների վերանորոգումով, եւ համակարգչային դասարանների բացումով։
Հետևեք մեզ Viber-ում
