Անակնկալ Սերժ Թանկյանի համար /տեսանյութ/

Դուդուկահար և դհոլահար քույրեր Աննա և Անահիտ Մխիթարյաններն ամանորյա անակնկալ են պատրաստել ամերիկահայ ռոք երաժիշտ և երգահան, աշխարհահռչակ System of A Down ալտերնատիվ մետալ-ռոք խմբի առաջատար Սերժ Թանկյանի համար: Նրանք փոխադրել և կատարում են Թանկյանի ու System of a Down խմբի Chop Suey! ստեղծագործությունը և պատրաստել են փոքրիկ տեսանյութ: Chop Suey!-ն System of a Down խմբի Toxicity ալբոմից է, առաջադրվել է «Գրեմմի» մրցանակի: Ի դեպ, նվեր-հոլովակում ներառված են նաև տարրեր հայկական ստեղծագործություններից: «Մենք շատ ենք սիրում Սերժ Թանկյանին և շատ հպարտ ենք, որ նա մեր հայրենակիցն է, չէ՞ որ մենք էլ ենք Վանաձորից: Նրա ստեղծագործությունը կատարելով որոշեցինք մեր սերն ու հիացմունքն արտահայտել նրա արվեստի նկատմամբ: Շնորհավոր Ամանոր և Սուրբ Ծնունդ, սիրելի Սերժ Թանկյան», - նշել են Մխիթարյան քույրերը: Ստեղծագործությունը կատարելու ընթացքում նրանց է միացել նաև Արթուր Մարտիրոսյանը (հարվածային գործիքներ):