Աշոտյանը մեր մարմնի ո՞ր մասն է պատրաստվում հերձել․ Ռուբեն Ռուբինյան (video)
Երբ ասում են, որ մենք հանձնել են Արցախը, նշանակում է անարգել թափված արյունը, լրագրողների հետ զրույցում հայտարարեց ՔՊ-ական Ռուբեն Ռուբինյանը։
Ինչ վերաբերում է Քի Վեսթի փաստաթղթին՝ Ռուբինյանն ասաց, թե դրա բացակայությունը Լևոն Տեր-Պետրոսյան-Ռոբերտ Քոչարյան-Սերժ Սարգսյան սիրո եռանկյունու հարց է։
«Այդ հարցերը մեզ չեն ուղղված, մենք 2018-ին եկել ենք, ինչ փաստաթուղթ համանախագահների կողմից փոխանցված է եղել, հրապարակել ենք, Քի Վեսթինը չի եղել»,- նշեց նա։
Ռուբինյանն ասաց, թե եթե Ռոբերտ Քոչարյանը հերքում է ու ասում, որ Մեղրին հանձնելու վերաբերյալ հրապարակված փաստաթուղըթ սուտ է՝ արդեն դա իր ներքին ընտանեկան հարցերն են Լևոն Տեր-Պետրոսյանի հետ։
«Թող գցեն-բռնեն, թե իրենցից ով է սուտ խոսում, մանավանդ, հիմա իրար հետ մեղրամիս են ապրում, թող տաքուկ-տաքուկ նստեն ճրագի դիմաց ու քննարկեն, թե ով է խաբում»,- ասաց ՔՊ-ականը։
Նա նշեց, թե այս հարցում հակված է հավատալու ՀՀ առաջին նախագահին, որն էլ տրամադրել է փաստաթուղթը։
Հետևեք մեզ Viber-ում
