Թալանել են «Իզի Փեյ» ընկերության տերմինալները. հափշտակել են 723 հազար դրամ (տեսանյութ)

Դեկտեմբերի 22-ին՝ ժամը 13.15-ին Ոստիկանությունն ահազանգ է ստացել «Իզի Փեյ» ընկերությունից, որ ընկերության՝ Երևանում տեղադրված վճարված տերմինալներից գումար են հափշտակել: Այս մասին հայտնեցին ՀՀ ոստիկանության լրատվության և հասարակայնության հետ կապերի վարչությունից: Գողությունները կատարվել են Տիգրան Մեծի պողոտայի թիվ 74 հասցեի վճարման, Արցախի պողոտայի թիվ 8 հասցեում գործող, Տիգրան Մեծի պողոտայի 52 հասցեում տեղադրված և Քրիստափորի փողոցի 36/1 հասցեում տեղադրված տերմինալներից: Նշված տերմինալներից, ընդհանուր առմամբ, հափշտակել են 723 հազար 700 դրամ։ Մեկնած խումբը նշված հասցեներում պարզել է, որ գողությունները կատարվել են դեկտեմբերի 21-ի 18.00-ից դեկտեմբերի 22-ի 11.00: Ըստ Shamshyan.com-ի տեղեկությունների՝ Արշակունյաց պողոտայի թիվ 37/4 հասցեում գտնվող «Իզի փեյ» ՍՊԸ-ին պատկանող վճարման տերմինալը թալանել են կոտրելու միջոցով։