«Մենք այնպիսի հուշարձաններ ենք կորցրել, որ պատկերացնելն է դժվար». Մկրտիչ Մինասյան (Ճարտարապետների միության նախագահ) (video)

Այսօր «Հայելի» ակումբում ասուլիսով հանդես եկավ ճարտարապետների միության նախագահ Մկրտիչ Մինասյանը՝ անդրադառնալով տարվա ընթացքում իրականացված ծրագրերին: Ինչպես տեղեկացրեց՝ կան բազմաթիվ ծրագրեր, որոնք պետք է կյանքի կոչվեն, սակայն ֆինանսական միջոցներ չունենալու հետևանքով անընդհատ հետաձգվում են. «Հույս ունենք, որ 2018 թվականին ֆինանսական միջոցներ կլինեն, քանի որ ճարտարա­պետությունը պետական մասնագիտություն է և այն մեծ առու­մով կապված է տնտե­սության հետ, այն տնտեսության շարժիչ ուժերից մեկն է, եթե լինեն համապատաս­խան ֆինանսական միջոցներ, ապա բազմաթիվ ծրագրեր կյանքի կկոչ­վեն: Այդպիսի ծրագրերից են՝ «Նոյի ազգագրական թաղամասի» ծրագիրը, «Ֆիրդուսի թաղամասի» ծրագիրը, «Հին Երևանի» ծրագիրը և այլն»: Տարվա գլխավոր ձեռքբերումը՝ ըստ Մինասյանի այն է, որ իրենք վերջապես ունեցան իրենց օրենքը. ««Ճարտարապետական գործունեության մասին» օրենքը հնարավորություն կտա ճարտարապետներին ինքնակառավարման միջոցով տեսնել և թափանցիկ դարձնել դաշտը, մրցույթների միջոցով ներգրավել ավելի շատ մասնա­կիցներ և նոր նախագծեր: Օրենքը ճարտարապետներին թույլ կտա նոր առաջարկներ ներկայացնել կառավարությանը»: Այնուհետև հայտնեց, որ մտադիր են ճարտարապետներին արտոնագիր տալ, որով նրանք կկարողանան ինքնուրույն աշխատել: Մանրամասները՝ տեսանյութում.