Ծեծկռտուք եղել է,թե ոչ.պարզաբանում է քաղաքապետը

Ավելի վաղ Hayeli.am-ը տեղեկացրել էր,որ մեր  ունեցած տեղեկություններով դեկտեմբերի 29-ին, Էջմիածին քաղաքում գեներալ Մանվել Գրիգորյանը ծեծել է  ՀՀ Կառավության աշխատակազմի նախկին կառավարիչ , Էջմիածնի նախկին քաղաքապետ Հրաչիկ Աբգարյանին: Բոլորին է հայտնի ,որ Էջմիածնում վաղուց ավանդույթ է ձևավորված,որ ավտեմեքենայելի սխալ կայանելու համար գեներալ Մանվելը անձամբ է հաշվեհարդար տեսնում,նույնիսկ  հրամայում է ծակել անիվները:Այս դեպքում նույնպես,չխախտելով ավանդույթը,նկատելով որ նախկին քաղաքապետը սխալ տեղում է կայանել իր ավտոմեքենան, ծեծել է Հրաչիկ Աբգարյանին: Մեր ունեցած տեղեկություններով,միջադեպը լուրջ քննարկման առարկա է դարձել էջմիածնում: Միջադեպի առիթով,hayeli.am-ը կապ հաստատեց  նախկին քաղաքապետ Հրաչիկ Աբգարյանի հետ ճշտելու լուրի իսկությունը,արդյոք իրականում ծեծկռտուք եղել է:Մեզ հետ զրույցում Հրաչիկ Աբգարյանն ասաց,որ եղել է միջադեպ,ավտոկայանման հետ կապված խնդիր է եղել.«Այո մեր մեջ խոսակցություն է տեղի ունեցել  և քաշքշոց»: Իսկ մեր այն հարցին՝լուրեր են շրջանառվում ,թե հաշվի առնելով այն,որ նա պրոֆեսիոնալ սպորտսմեն է և դժվար կլիներ իր նկատմամբ բռնություն կիրառել, մի քանի հոգով բռնել են նախկին քաղաքապետին,իսկ գեներալը հարվածել է, Հրաչիկ Աբգարյանը  չցանկացավ այդ թեմայով խոսել և մեզ հետ զրույցը համարեց ավարտված: