«Գյուղապետերն էլ են կարծիք արտահայտում պապիլոմա վիրուսի մասին. թողեք մասնագետները խոսեն». Արա Ասոյան (ՀՀ գլխավոր համաճարակաբան) (video)

Այսօր «Հայելի» մամուլի ակումբում հրավիրված ասուլիսի  ժամանակ ՀՀ գլխա­վոր համաճարակաբանն անդրադարձավ վերջին շրջանում հանրությանը ամենա­շատ հետաքրքրող «Պապիլոմա» վիրուսին և դրա պատվաստմանը: «Պապիլոմա» վիրուսն առաջացնում է արգանդի վզիկի քաղցկեղ, որը, իմ կարծի­քով, բավական «չար» վիրուս է»,- նշեց Արա Ասոյանը և հավելեց,-«Տասներորդ Տարին է, որ 72 երկիր  այդ վիրուսի դեմ պատվաստում է կատարում: Ցանկացած դեղամիջոց՝ այդ թվում և պատվաստանյութը, որը ևս դեղամիջոց է, ունի մոտակա և հեռավոր ազ­դեցություն, որն ուսումնասիրվում է բժիշկների, կենսաբանների կողմից»: Նրա հա­մոզմամբ, այս պատվաստանյութը որևէ բացասական արդյունք չի տվել օգտագործ­ման տասը տարիների ընթացքում: «Պատվաստումը կարելի էր կատարել նաև 15-16 տարեկանից, բայց ռիսկայնութ­յուն կա, որ կարող են 13 տարեկանից վարակվել այդ վիրուսով, ինչով էլ պայմանա­վորված է տարիքային այս խմբից սկսել պատվաստումը»,- ասաց նա՝ հավելելով, որ կանանց մոտ արգանդի վզիկի քաղցկեղը նկատվում է 35-40 տարեկանից հետո: «Պատվաստումը բոլոր դեպքերում ճիշտ է, քանի որ դա կյանք խլող հիվանդութ­յուն է»,- եզրափակեց ՀՀ գլխավոր համաճարակաբանը: Մանրամասները տեսանյութում.