Այսօր կեսօրին «Երեւան Սիթի» սուպերմարկետի տարածքում գործող շուկայում առեւտրով զբաղվող 60-ամյա Լեւոն Ասատրյանը սպանվել է կնոջ աչքի առաջ:
Այս մասին մեր զրույցում ասացին նույն շուկայի վաճառողները: Բանն այն է, որ Ասատրյանն ու նրա կինը միասին են աշխատում, նրան զբաղվում էին ընդեղենի վաճառքով: Ասատրյանը դանակահարվել է մի հաճախորդի կողմից. վիճաբանությունն առաջացել է ապրանքի քաշի պատճառով, հաճախորդը զայրացել է եւ վիճաբանությունն ավարտվել է դանակահարությամբ: Այս ամենին ականատես է եղել սպանվածի կինը:
Մեր այցի պահին Լեւոն Ասատրյանի տաղավարը փակ էր: Դեպքը տեղի է ունեցել առետրականների եւ հաճախորդների աչքի առաջ, սակայն առեւտրականները խուսափում էին պատասխանել հարցերին՝ նշելով, թե ոչինչ չեն տեսել, քանի որ այդ պահին շուկայում չեն եղել եւ դեպքից հետո են եկել: Դեպքի վայրի անմիջապես դիմացում գտնվող տաղավարում ձուկ վաճառող մի կին ասաց, թե երբ դեպքը տեղի է ունեցել նա ձուկ լվանալիս է եղել՝ մեջքով դեպի Ասատրյանը, ապա հավելեց, թե վիճաբանության ձայներ չի լսել, միայն Ասատրյանի կնոջ գոռգոռոցներից հետո է շրջվել եւ տեսել վիրավորին «դեպքը հանկարծակի եղավ»,- հավելեց վաճառողը: Նա նաեւ ասաց, որ դանակահարողին նույնպես չի տեսել: Վերջինս նշեց, որ մեկ ամիս է, ինչ ճանաչում էր սպանվածին եւ նրա կնոջը: Մեկ այլ առեւտրական էլ մեր զրույցում ասաց, որ Լեւոն Ասատրյանը հաճախ է վիճաբանել հաճախորդների հետ. «միշտ էլ վիճում էր: Վիճաբանության ձայներ չեմ լսել, միայն տեսա, որ ինչ-որ խումբ ինչ-որ մեկի հետեւից էր վազում, կինը գոռում էր: Հետո ոստիկաններն եկան, ասացին ինչ ես տեսել, ես էլ ասացի, որ ոչինչ չեմ տեսել»,- ասաց մեր զրուցակիցը:
Հիշեցնենք, որ 60-ամյա տղամադը տեղափոխվել է «Սուրբ Գրիգոր Լուսավորիչ» բժշկական կենտրոն, սակայն ճանապարահին մահացել է: Իրավապահները դեռ դանակահարողի ինքնությունը չեն պարզել: Նշենք, որ նշված տարածքը տեսանկարահանվում է եւ, ըստ ամենայնի իրավապահներն արդեն իսկ առգրավվել են տեսագրությունները:
ՀՀ քննչական կոմիտեի նախագահի խորհրդական Սոնա Տռուզյանը մեր զրույցում ասաց, որ դեպքի առթիվ հարուցվել է քրեական գործ՝ ՀՀ քրեական օրենսգրքի 104-րդ հոդվածի 1-ին մասով (դիտավորյալ սպանություն), ստեղծվել է քննչական խումբ եւ այս պահին կատարվում են անհրաժեշտ քննչական գործողություններ: Նախնական տվյալներով, Լեւոն Ասատրյանը սուր կտրող-ծակող գործիքով վնասվածք է ստացել ձախ կրծքավանդակի շրջանում:
Փետրվարի 21-ին՝ ժամը 12։30-ին, Հայելի ակումբի հյուրն է Աշոտ Անդրեասյանը
Փետրվարի 21-ին՝ ժամը 12։00-ին, Հայելի ակումբի հյուրն է «Մայր Հայաստան» դաշինքի անդամ Դերենիկ Մալխասյանը
Փետրվարի 21-ին՝ ժամը 11։00-ին, Հայելի ակումբի հյուրն է ԱԻՄ առաջնորդ Պարույր Հայրիկյանը
Փետրվարի 20-ին՝ ժամը 11։30-ին, Հայելի ակումբի հյուրն է Վոլոդյա Հովհաննիսյանը
Փետրվարի 20-ին՝ ժամը 10։30-ին, Հայելի ակումբի հյուրն է Էդիկ Անդրեասյանը
Փետրվարի 20-ին՝ ժամը 12։30-ին, Հայելի ակումբի հյուրն է Արմինե Ադիբեկյանը
Փետրվարի 20-ին՝ ժամը 13։30-ին, Հայելի ակումբի հյուրն է Հայկ Այվազյանը
Փետրվարի 19-ին՝ ժամը 15։00-ին, Հայելի ակումբի հյուրն է ԱԺ պատգամավոր Արմենուհի Կյուրեղյանը
Փետրվարի 19-ին՝ ժամը 11։00-ին, Հայելի ակումբի հյուրն է բանաստեղծ, քաղաքական գործիչ Խաչիկ Մանուկյանը
Փետրվարի 19-ին՝ ժամը 16։30-ին, Հայելի ակումբի հյուրն է «Համահայկական ճակատ» շարժման անդամ Ռուզան Ստեփանյանը
Հետևեք մեզ Viber-ում
