«Կասպերսկու լաբորատորիան» հերքել է
«Կասպերսկու լաբորատորիան» հերքել է այն տեղեկությունը, թե իբր ռուսաստանցի ցանցահենները համակարգչային ցանցեր են ջարդում` օգտագործելով ընկերության ծրագրային ապահովումը: «Առաջ քաշվող մեղադրանքները որեւէ հիմք չունեն: «Կասպերսկու լաբորատորիայի» արտադրանքը եւ լուծումները մշակվել են կիբերհանցագործներից պաշտպանության նպատակով, ոչ թե նրա համար, որ դրանցով հարձակումներ իրականացնեն կազմակերպությունների վրա», — նշել են «Կասպերսկու լաբորատորիայից», տեղեկացնում է Gazeta-ն: Ընկերությունում նաեւ ընդգծել են, որ կապ չունեն կառավարական որեւէ կառույցի հետ, բայց ակտիվորեն զբաղվում են ծայրաստիճան կարեւոր ենթակառուցվածքների եւ արտադրական օբյեկտների պաշտպանության համար ծրագրային ապահովման ստեղծմամբ ինչպես ռուսաստանյան շուկայում, այնպես էլ արտասահմանում: Ավելի վաղ The Washington Free Beacon պարբերականը նյութ էր հրապարակել, որում ասված է, որ ԱՄՆ-ի հետախուզական վարչությունը հաղորդել է «Կասպերսկու լաբորատորիայի» ծրագրային ապահովումն օգտագործող ռուսաստանցի ցանցահենների կողմից համակարգչային ցանցերի կոտրման հնարավորության մասին:
Հետևեք մեզ Viber-ում
