Վարկերի տակ կքած Հայաստանի պետբյուջեն պարգևավճարներով մսխում են

Տավուշի մարզպետ Հայկ Ղալումյանին տեղեկատվական հարցում եմ արել․ «Նոյեմբերի 5-ի դրությամբ Տավուշի մարզի սոցիալապես անապահովներից դրամական աջակցության խնդրանքով քանի՞ դիմում եք ստացել, դրանից քանի՞սն է քննարկվել, քա նի՞սն է բավարարվել, որքա՞ն գումար է տրվել կարիքավորներին։ Նոյեմբերի 5-ի դրությամբ Տավուշի մարզպետի աշխատակազմը որքա՞ն պարգևավճար է ստացել» ։Մարզպետի աշխատակազմից պատասխանել են․ «Նոյեմբերի 5-ի դրությամբ դրամական օգնության համար մարզպետի աշխատակազմ դիմում է ներկայացրել 1196 քաղաքացի, որից 1018 քաղաքացու տրվել է դրամական օգնություն, ընդհանուր 49 մլն. 950 հազ․ դրամի չափով։ Նոյեմբերի 5-ի դրությամբ մարզպետի աշխատակազմի աշխատակիցները ստացել են 52 186.5 հազար դրամի պարգևավճար» : Ուրեմն՝ մարզպետի աշխատակազմը դրամական օգնություն հայցած 1196 քաղաքացուց 178-ին տարբեր պատճառաբանություններով մերժել է , իսկ 1018 սոցիալապես անապահովի ընդհանուր 49 միլիոն 950 հազար դրամ աջակցություն է հատկացրել։ Նիկոլ Փաշինյանի դասընկեր, նրա ամոսնության քավոր, Տավուշի մարզպետ Հայկ Ղալումյանը և մարզպետի աշխատակազմը չգիտես ինչ աշխատանքային նվաճումների, իրենց գործունեության մեջ անհայտ ձեռքբերումների համար աղքատ, վարկային բեռի տակ կքած Հայաստանի պետբյուջեից այս տարվա 10 ամսվա կտրվածքով ստացել են 52 միլիոն 186 հազար 500 դրամ պարգևատրում։ Տավուշի մարզպետարանից տեղեկացել եմ, որ նոյեմբերի 5-ի դրությամբ Տավուշի մարզպետի աշխատակազմում առկա է 76 հաստիք՝ որից 9-ը՝ թափուր:Ուրեմն՝ բարձր աշխատավարձ ստացող Տավուշի մարզպետ Հ․ Ղալումյանը և մարզպետի աշխատակազմի 66 պաշտոնյաները միասին 2 միլիոն 236 հազար 500 դրամով ավելի շատ պարգևավճար են ստացել, քան սոցիալական վատ վիճակում գտնվող, դրամական աջակցություն խնդրած Տավուշի մարզի 1018 բնակիչներ։

Այս մասին գրել է Ոսկան Սարգսյանը