Վաղարշապատի խորհրդի մասին

Վաղարշապատի խորհրդի մասին
Երբ գիտական հոդվածդ կարևոր դիտողություններով հետ են ուղարկում, առաջին պահին նեղվում ես, մտքումդ նաև մեղադրում գրախոսին կամ խմբագրին։ Հետո, սակայն, երբ սկսում ես ինքդ քեզ մեղադրել, որ մի քիչ շատ աշխատեիր, մի երկու աղբյուր ավել նայեիր, մի երկու դիտարկում ու եզրահանգում խորացնեիր, ավելին, երբ դրանք անում ես ու խմբագրությունը հաստատում է, տպագրում, սկսում ես ավելի վստահ լինել քո վրա ու ասել՝ ես ԿԱՐՈՂ ԵՄ, և դրա համար մի պարզ բանաձև կա՝ ԱՎԵԼԻ ՇԱՏ ԱՇԽԱՏԵԼ ու հոդվածը դարձնել կատարյալ։
Վաղարշապատում այս փուլում ընդդիմության «հոդվածը վերադարձվել է լրամշակման»։ Եվ դրանից ոչ թե պետք է տխրել, հուսալքվել կամ մեղադրել, այլ հոդվածի հաջողված մասերի հենքի վրա տքնաջան աշխատել ու ավարտել այն։
Իսկ որ հաջողելու լիարժեք հիմքեր կան՝ անխոսք․
- վարչահրամայական տոտալ վերահսկողության, աշխատանքից, բիզնեսից, ազատությունից զրկվելու սարսափի պայմաններում ընտրության գնացողների ԳՐԵԹԵ ԿԵՍԸ ընտրել է ընդդիմության այ կամ այն ուժին և մերժել է սատանայական ռեժիմը՝ Արցախի հանձնումը, նահատակ հոր ուրացող որդուն, Մայր Աթոռի վրա ենիչերիական հարձակման նախապատրաստությունը և թաթարների ներթափանցումը երկիր։ Դա նույնն է, ինչ 1937 թ․ ստալինյան սարսափի օրերին ընտրեին թշնամի հայտարարված տրոցկիստներին,
- եթե չլիներ նախորդ կետի սարսափը՝ ուրացողին ու վերջինիս թրքահաճո ուժին իրենց ցուցակի ընտանիքներն անգամ չէին ընտրի,
- նախորդ երկու կետերի պնդման ապացույցն այն է, որ ռեժիմի կողմից դաշտ նետված «Հանրապետություն» կոչվող հայտնի սատելիտը շպրտվեց լուսանցք,
- ընտրողների կեսից ավելին՝ 55 տոկոսը, ՉԻ ՄԱՍՆԱԿՑԵԼ ընտությանը, այդպիսով անուղղակի մերժելով ռեժիմին։
Եկել է հոդվածն օրնիբուն լրամշակելու ժամանակը։
Հ․գ․ Փառք ու պատիվ Վաղարշապատում խունտայի դեմ պայքարած ուժերին ու մարդկանց՝ թեկնածուներից մինչև շարքային ընտրող։

Վահե Սարգսյանի գրառումը