Լրատվամիջոցից ողջ տեխնիկան առգրավող ճղճիմ ռեժիմի համար վատ լուր ունենք
Իրավապաշտպան Ռուբեն Մելիքյանը գրել է․
«Լրատվամիջոցից ողջ տեխնիկան առգրավող ճղճիմ ռեժիմի համար վատ լուր ունենք. «Իմնեմնիմին» շարունակելու է մնալ եթերում։ 2-րդ «արտակարգ եթերաշրջանի» 1-ին հերթապահները լինելու ենք մենք՝ Վազգենի ու Նարեկի պաշտպանները»։
Հիշեցնենք՝ «Իմնեմնիմի» փոդքասթի հաղորդավարներ Վազգեն Սաղաթելյանը և Նարեկ Սամսոնյանը կալանավորվել են 2 ամսով։
Նոյեմբերի 13-ին վաղ առավոտյան «Իմնեմինի» փոդքասթի համահեղինակներ Վազգեն Սաղաթելյանի տուն ու Նարեկ Սամսոնյանի բնակարան ԱԱԾ դիմակավորված աշխատակիցներ էին մտել, կատարել խուզարկություն, ձերբակալել, ապա նրանց ձեռքերը ոլորած տարել Երևանի քննչական բաժին։ Նրանց կալանավորելու միջնորդություն էր ներկայացվել։
Հաղորդումը իրավապահներին ներկայացրել էր ԱԺ նախագահ Ալեն Սիմոնյանը: Պատճառը, ըստ Սիմոնյանի, նրանց նոյեմբերի 10-ի թողարկումն է, որտեղ անդրադարձել էին Ազգային ժողովի նախագահին: Իսկ առիթը երրորդ նախագահ Սերժ Սարգսյանի հարցազրույցն էր փոդքասթի հեղինակներին: Այդ հաղորդումից հետո խորհրդարանի խոսնակը նրանց անվանել էր «շան լակոտներ», Վազգեն Սաղաթելյանն ու Նարեկ Սամսոնյանն էլ, ի պատասխան, իրենց հաջորդ հաղորդման մեջ հակադարձել էին Սիմոնյանին:
Հետևեք մեզ Viber-ում
